پووختەی هەواڵ:

• مەلای گەورەی کۆیە یەکێکە لە دیارترین کەسایەتییە ئایینی و مێژووییەکانی کۆیە

• ماڵەکەی لەماوەی ڕابردوودا داڕمابوو

• پاش چەند ساڵێک لە نۆژەنکردنەوە ئێستا کراوە بە ناوەندێکی گرنگی کولتووری و هونەری

• پلان بۆ بەدیجیتاڵکردنی دەستنووسەکانیشی دانراوە

فەرمانگەی شوێنەوار و کەلەپووری کۆیە، سەرپەرشتیی نۆژەنکردنەوەکەیان کردووە، ئامانجیان بووە ماڵەکە بکەن بە:

• ناوەندی کولتووری و مێژوویی

• مۆزەخانەیەک بۆ پاراستنی دەستنووسەکان

• پێگەیەکی کەلەپووری

نۆژەنکردنەوەکە 2024 دەستیپێکرد و سەرەتای تشرینی دووەمی ئەمساڵ کارەکانی تەواو بوون.

پلانی داهاتووی سەرپەرشتیاران:

• بەدیجیتاڵکردنی دەستنووسەکانی مەلای گەورەی کۆیە و مەسعود محەممەد

• ڕێکخستنی بۆنە و چالاکیی ساڵانە تایبەت بەو دوو کەسایەتییە

• نمایشی شانۆی شەقام

• سازکردنی کۆنسێرت

• تەرخانکردنی سەکۆی تۆمارکردنی فیلم

ڕێکخراوی کەلەپووری کورد بەڵێنی کاری بەدیجیتاڵکردنەکەیان داوە.

لەبارەی مەلای گەورەی کۆیە:

• ساڵی 1876 لەدایکبووە

• زانا، چاکساز و شاعیر بووە

• داوای ئازادیی نیشتمان و مافی خانمانی کردووە

• بنەماڵەکەی ماوەی سێ سەدە خزمەتی زانست و ئایینیان کردووە

• ساڵی 1943 کۆچی دوایی کردووە

• بەرهەمەکانی: تەفسیر، دیوانی شیعر، فری فری قەل فری و هتد..