پووختەى هەواڵەکە

• وەزارەتی خوێندنی باڵای عێراق، بڕیارەکەى دەرکردووە.

• ئامانجی بڕیارەکە بۆ دەرفەت دانە بەوانەى هەڵگرى بڕوانامەى باڵان و دانەمەزراون.

  ---

وەزارەتی خوێندنی باڵای عێراق لە نووسراوێکدا کە لە لایەن حەیدەر بەها، وەزیری خوێندنی باڵاوە واژۆکراوە و ئاڕاستەی سەرجەم زانکۆکان کراوە تیایدا هاتووە، ڕێگە نادرێت هیچ مامۆستایەکی زانکۆ، یاخود ئەوانەی لە بارەگای وەزارەتن، وەک وانەبێژ یان ڕاوێژکار لە زانکۆ و کۆلێژ و پەیمانگەکان وانە بڵێنەوە.

بڕیارەکەى وەزارەتی خوێندنی باڵای عێراق

• ئامانج بۆ دەرفەت دانە بەو کەسانەى هەڵگرى بڕوانامە باڵاکانن، و دانەمەزراون.

• تاوەکو لە زانکۆ و پەیمانگەکان وانە بڵێنەوە و کەمی میلاکاتیش دروست نەبێت.

وەزارەتەکە گشتاندێکی پێشووی فەرمانگەی توێژینەوە و پەرەپێدانی هەڵوەشاندووەتەوە، کە لە ساڵی 2023 دەرچووە، کە ڕێگەی دابوو مامۆستایان و کارمەندانی وەزارەتەکە لە زانکۆ و پەیمانگە ئەهلێیەکان وانە بڵێنەوە.