پووختەی هەواڵەکە

• مشەخۆری دەردەپشیلە لە چاودا بەهۆی خواردن و ئاوی پیسەوە دەگوازرێتەوە.

• مشەخۆری تۆکسۆپلازما کە دەبێتەهۆی دەردەپشیلە بەهۆی خواردن و ئاوی پیسەوە دەگوازرێتەوە.
  

دەردەپشیلە نەخۆشییەکی گوازراوەیە، بەهۆی تووشبوون بە مشخۆری تۆکسۆپلازماوە دەگوازرێتەوە، دەکرێت دەردەپشیلە کاریگەریی نەخوازراو لەسەر تەندروستیی چاو، تۆڕی چاو و پەردەی ناوەوەی چاو دروست بکات.

د. شۆخ وەهاب، پزیشکی پسپۆڕی نەخۆشی و نەشتەرگەریی چاو دەڵێت '' ئەمانە نیشانەکانی دەردەپشیلەن لە چاودا ''

• لێڵبوونی بینین

• هەندێکجار ئازار و سووربوونەوەی چاو

• هەستیاربوون بە ڕووناکی

• لە حاڵەتە توندەکاندا کەمبوونەوەی زۆری ئاستی بینین

ئایا دەردەپشیلە لە چاودا چارەسەری هەیە؟

بەڵێ، بە پێی قەبارە و شوێنی هەوکردنەکە، دەرمانی دژە مشەخۆر و هەندێکجار دەرمانی دژەهەوکردن بەکار دەهێنرێن.

دەکرێت لە ئەم ڕێگەیانەوە دەردەپشیلە بگوازرێتەوە

• بەرکەوتن بە پشیلەیەکی تووشبوو بە مشەخۆری تۆکسۆپلازما

• ئاو و خواردنی تووشبوو بە مشەخۆری تۆکسۆپلازما

• سەوزە و میوەی نەشۆراوە

• بەکارهێنانی ئامێر و کەرەستەی بەرکەوتوو بە مشەخۆری تۆکسۆپلازما بۆ چێشتلێنان

• هەندێکجار لە ڕێگەی وەرگرتنی خوێنی کەسی تووشبوو

ڕێنوێنیی بۆ چارەخوازان

دەردەپشیلە لە چاودا ئەگەری دووبارە تووشبوونەوەی هەیە، واباشترە ئەو کەسانەی تووشی دەردەپشیلەی چاو بوون، بە بەردەوامی چاودێریی چاویان بکەن و سەردانی پزیشکی پسپۆڕی چاو بکەن.

زانیاریی زیاتر

بۆ دەستکەوتنی زانیاریی زیاتر دەتوانن سەردانی ئەم لینکەی خوارەوە بکەن

د.کاردۆست ڕەسووڵ: دەردەپشیلە مەترسی بۆ سەر ژیان و تەندروستیی کۆرپە دروست دەکات | CHANNEL8