پووختەى هەواڵەکە

• هاوپەیمانی سەربازی سعودییە:10 هێرشی مووشەکی حووسییەکانمان تێکشکاندووە.

• ئەنساڕوڵا: سعودییە 56 هێرشی ئاسمانی بۆ سەر یەمەن ئەنجامداوە.

  ---

ڕۆژى یەکشەممە، 25ـى تشرینى یەکەمى 2026، هاوپەیمانیی سەربازی سعوودییە ڕایگەیاند، 10 مووشەکی بالستیکیمان تێکشکاندووە، کە لەلایەن گرووپی چەکداری "ئەنساروڵڵا"ی حووسیی بەرەو ناوچەکانی باشووری وڵاتەکەمان ئاڕاستە کرابوون.

ڕاگەیێنراوى هاوپەیمانییەکە:

• ئەم هێرشانە هاوکاتە لەگەڵ دەستپێکردنەوەی گەشتە ئاسمانییەکان لە فڕۆکەخانەی نێودەوڵەتی شا خالید لە ڕیاز.

• بەرگری شارستانی سعوودیە: بەهۆی پاشماوەی دوو موشەکی تێکشکێنراو سعوودییەک و هاووڵاتییەکی ئاسیایی بریندار بوون.

• زیان بە سێ باڵەخانە و حەوت ئۆتۆمبێل کەوت.

• حوسی ئەنساروڵڵا سعوودیەی تۆمەتبار کردووە بە ئەنجامدانی 56 هێرشی ئاسمانی بۆ سەر ناوچە جیاجیاکانی یەمەن.
  
  دانیشتوانی ناوچەکە و ئاژانسی فرانس پرێس پشتڕاستیان کردووەتەوە کە دەنگی تەقینەوەی بەهێز لە خەمیس مشێت و ڕیاز بیستراوە و پێشتر لە ڕێگەی مۆبایلەوە نامەی هۆشدارییان پێگەیشتووە.