پووختەى هەواڵەکە

• لیژنەکە بە دواداچوونى بۆ ڕاپۆرت و زانیارییەکانى پەیوەست بە قاچاخبردنى نەوت کرد.

• بڕیارە لیژنەکە دواى تەواوکردنى کارەکانى ڕاپۆرتێک بداتە سەرۆکایەتیی ئەنجوومەنى نوێنەران.

  ---

لیژنەى پەرلەمانى پێکهێنراو لەسەر پرسی بە قاچاخبردنى نەوت، لەگەڵ وەزیرى نەوت کۆبووەوە و بە دواداچوونى کرد بۆ زانیاریی و ڕاپۆرتەکانى تایبەت بە پڕۆسەى بە قاچاخبردنى نەوت و بەئامانجگرتنى کێڵگەى غازى کۆرمۆر.

لیژنە پەرلەمانییەکە

• بە دواداچوونى دۆسییە ئەمنى و هەواڵگرییەکانى پەیوەست بە قاچاخبردنى نەوت و بە ئامانجگرتنى دامەزراوەکانى نەوت.

• دووەم کۆبوونەوەى بە میواندارى وەزیرى نەوت و بەرپرسانى پەیوەندیدار بە دۆسییەکە کرد.

• ڕاپۆرت و زانیارییە تەکنیکى و هەواڵگرییەکان لە بارەى پڕۆسەکانى بە قاچاخبردنى نەوت لە ناوچەکانى جورف سەخر و کەرکووک و هەرێمى کوردستان گفتوگۆیان لە بارەوەکرا.

• بە دواداچوون بۆ بە ئامانجگرتنەکانى کێڵگەى غازى کۆرمۆر و لێکەوتە ئەمنى و ئابوورییەکانى بۆ سەر ئاسایشى وزەى نیشتمانى کرا.

• لایەنە تەکنییەکان و ئەو ڕێکارانە خرانەڕوو کە لە لایەن وەزارەتى نەوت و لایەنە پەیوەندیدارەکانەوە گیراونەتە بەر.

• بۆ چارەسەرکردنى دۆسیەکە و دانانى سنوورێک بۆ دەستدرێژییەکانى سەر سامانى نەوت و دامەزراوە گرنگەکان.
  
  بڕیاریشە لیژنەکە دواى تەواوکردنى دیدار و کۆبوونەوەکانى لەگەڵ بەرپرسان و لایەنە پەیوەندیدارەکان، ڕاپۆرتێک بۆ سەرۆکایەتیی ئەنجوومەنى نوێنەران بەرزبکاتەوە.