پووختەى هەواڵەکە

• باشترین جۆری خورما و هەنگوین لە فێستیڤاڵەکە نمایش کران.

• جووتیاران و هەنگەوانان و خانمانى دەستڕەنگین بەشدارى فێستیڤاڵەکە بوون.

• سەرپەرشتیارانى فێستیڤاڵەکە هەوڵدەدەن بیکەنە نەریتى ساڵانە.

  ---

هەنگوین و خورما گەرمیان شیرنتر دەکەن، دروشمی پێنجەم فێستیڤاڵی کشتوکاڵیی سنووری ئیدارەی گەرمیانه. جوتیارانی خاوەن باخەکانی خورما، هەنگاوانان و خانمانی دەستڕەنگین بەشدارن لە فیستڤاڵەکەدا و بەرهەمەکانیان نمایش دەکەن.

هەوڵەکانى لیژنەی فێستیڤاڵى هەنگوین و خورما

• هەوڵدەدەن ئەم فێستیڤاڵە ببێتە نەریت.

• هاوشێوەی شارەکانی دیکە ساڵانە دووبارەی بکەنەوە.

• ئیدارەی گەرمیان بەرهەمی زۆری هەیە.

• داوا دەکات خەڵک بە پیری جوتیارانەوە بێن و بەرهەمەکانیان بکڕن.

• چەندین جۆری خورمای باخەکانی گەرمیان لە فێستێڤاڵەکەدا نمایش کران.

• خورمای مەجدولی تیدایە، کە گرانترین جۆری خۆرمایه.

• جووتیاران لە بارەى خورماى مەجدولى: لە بەشێک لە وڵاتانی جیهان نرخەکەی دەگاتە 80 دۆلار.

• بە هۆی بە نرخیی خورماى مەجدولى لە فڕۆکەخانەکاندا دەفرۆشرێت.

• فێستیڤاڵەکە بۆ ماوەی دوو ڕۆژ بەردەوام دەبێت.

ئەم فێستێڤاڵانە کە ساڵانە بەڕێوەدەچێت، دەرفەتێکی باشه بۆ خاوەن بەرهەمە کوردەوارییەکان، تاوەکو بەرهەمەکانیان لە نزیکەوە بە کڕیاران بناسێنن و بازاریش بۆ خۆیان دروست بکەن.