کۆڕبەندەکە لەژێر چاودێریی سەرۆکایەتیی کۆماری عێراق و قوباد تاڵەبانی بەڕێوەدەچێت.
73 سەرکردە و کەسایەتیی ناوخۆی وعێراق و جیهانی لە کۆڕبەندەکە قسە دەکەن.
سەرۆککۆمار و وەزیری نەوت و وەزیری دادی عێراق لە کۆڕبەندەکە بەشدار دەبن.
بافڵ جەلال تاڵەبانی سەرۆکی یەکێتیی نیشتمانیی کوردستان لە کۆڕبەندەکە قسە دەکات.
عەلی باباجان، سەرۆکی پارتی دیموکراسی و پێشکەوتنی تورکیا لە کۆڕبەندەکە بەشدار دەبێت.
وەزیری دەرەوەی یۆنان، وەزیری دەوڵەتی شانشینی هۆڵەندا لە کۆڕبەندەکە بەشدار دەبن.
وەزیری دەوڵەت لە بەریتانیا بۆ کاروباری هێزە چەکدارەکان لە کۆڕبەندەکە بەشدار دەبێت.
لە ڕۆژانی پێنجشەممە و هەینی، کۆڕبەندی ستراتیجیی سلێمانی، بە بەشداریی چەندین سەرکردە و کەسایەتیی سیاسی و ئابووری و ئەمنی و سەربازیی لە ئاستی هەرێمی کوردستان و عێراق و جیهان، لەژێر چاودێریی سەرۆکایەتیی کۆماری عێراق و قوباد تاڵەبانی بەڕێوەدەچێت.
73 سەرکردە و کەسایەتیی ناوخۆی و عێراقی و هەرێمی و جیهانی لە کۆڕبەندەکە قسە دەکەن.
نزار ئامێدی سەرۆککۆماری عێراق.
بافڵ جەلال تاڵەبانی سەرۆکی یەکێتیی نیشتمانیی کوردستان.
قوباد تاڵەبانی.
باسم خزەیر، وەزیری نەوت.
خالید شوانی وەزیری دادی عێراق.
عەلی باباجان، سەرۆکی پارتی دیموکراسی و پێشکەوتنی تورکیا.
وەزیری دەرەوەی یۆنان.
وەزیری دەوڵەتی شانشینی هۆڵەندا.
وەزیری پێشووی وەبەرهێنانی بەریتانیا.
جەیمس هیپی، وەزیری پێشووی دەوڵەت لە بەریتانیا بۆ کاروباری هێزە چەکدارەکان.
کۆکردنەوەی سەرکردە سیاسییەکان، فەرماندە سەربازییەکان، بازرگانان و بیرمەندانە بۆ گفتوگۆکردن لەسەر ئاڵنگارییە ستراتیژییەکان و بەهێزکردنی هاوکاری لە بوارەکانی ئاسایش، ئابووری، دیپلۆماسی و سەقامگیریی ناوچەکەدا.
هەروەها دەستەیەکی ڕاوێژکاریی نێودەوڵەتیی باڵای هەیە کە کەسایەتییە دیارەکانی وەک سەرۆکەکانی پێشووی ئۆکراینا، کۆڵۆمبیا، نەیجیریا و سەنیگال، لەگەڵ سەرۆکی پێشووی دەزگای هەواڵگریی بەریتانیا (MI6) و فەرماندە باڵاکانی ئەمریکا و ناتۆ لەخۆدەگرێت.
کۆڕبەندەکە کار بۆ دروستکردنی پردی پەیوەندی و هەماهەنگیی بەردەوام لە نێوان ڕۆژهەڵاتی ناوەڕاست و هاوبەشەکانی لە ئەوروپا، ئەمریکای باکوور و ئاسیا دەکات لەپێناو ئاشتی و خۆشگوزەرانیدا.
گفتوگۆکانی پانێڵەکان، تایبەت دەبن بە داهاتووی سەقامگیری لە ڕۆژهەڵاتی ناوەڕاست، لێکۆڵینەوە لە ئاڵنگارییە جیۆپۆلەتیکییەکان و کاریگەرییان لەسەر ئاسایشی ناوچەکە، دۆخی ئابووری و دەرفەتەکانی وەبەرهێنان، تاوتوێکردنی میکانیزمەکانی هەماهەنگیی ئەمنیی و گەشەپێدانی ئابووری، پەرەپێدانی دیدگای هاوبەش بۆ ڕووبەڕووبوونەوەی گۆڕانکارییە ئابوورییەکانی ناوچەکە و جیهان و چەند پرسێکی دیکەی پەیوەستە کێشە و دەرفەتەکانی ناوچەکە.
کۆڕبەندەکە گرنگی زۆری بۆ شاری سلێمانی هەیە و پێگەی شارەکە وەک ناوەندێکی گرنگی نێودەوڵەتی بۆ گفتوگۆ لەسەر داهاتووی ئاسایش، ئابووری و دیپلۆماسی لە عێراق و ڕۆژهەڵاتی ناوەڕاستدا بەهێزتر دەکات.
یەکێک لە ئامانجە سەرەکییەکان ئەوەیە، کۆڕبەندی ستراتیژیی سلێمانی ببێتە وێستگەیەکی دانپێدانراو لە ڕۆژمێری ستراتیژیی نێودەوڵەتیدا کە سەرکردەکان بۆی بگەڕێنەوە و پەیوەندییە دامەزراوەییەکان تێیدا قووڵتر ببنەوە.
زانیاریی زیاتر بۆ تۆ:
قوباد تاڵەبانى: ئەم هەفتەیە لە سلێمانى پێشوازیى لە جیهان دەکەین
