پووختەى هەواڵ

• ئەردۆغان لە بایەخى ڕەخنەکان لە پڕۆسەى "تورکیاى بێتیرۆر" کەمدەکاتەوە.

• بەرپرسانى قەندیل و پارتى دەم بەردەوام ڕەخنەیان لە هەنگاوەکانى دەوڵەت هەیە.

• پەکەکە گەریلاکانى لەناو تورکیا و باکوورى کوردستان کشاندووەتەوە.

ڕەجەب تەیب ئەردۆغان، سەرۆککۆماری تورکیا لە کاتی گەڕانەوەی لە کۆریای باشوورەوە بۆ وڵاتەکەی، باسی لە پڕۆسەی ئاشتی کرد و گوتی، لە چوارچێوەی ئەو یاسایای پەرلەمان دەریرکردووە، پڕۆسەکە بەردەوامە و سازشی لەسەر ناکەن.

ئەردۆغان:

• بە وردیی چاودێریی پڕۆسەکە دەکەین.

• هۆکاری ئەوەی بەرەوپێشچوونەکان دەرناکەون، بەهۆی هەستیاری پڕۆسەکەوەیە.

• قۆناغ بە قۆناغ ئەشکەوتەکانی ئەوبەر سنوورەکان چۆڵ دەکرێن.

• بە چۆڵکردنی ئەشکەوتەکان، تیرۆر بە تەواوی کۆتایی دێت.

بۆ جێبەجێکردنی یاسای پڕۆسەکە، پێویستە دەزگا ئەمنییەکان، چەکدانانی پەکەکە پشتڕاست بکەنەوە و ئەنجوومەنی ئاسایشی نەتەوەیی تورکیاش ئەو پشتڕاستکردنەوەیە پەسەند بکات.

لێدوانى ئەردۆغان لەو بارەیەوە:

• کارەکانی دەستنیشانکردن و پشتڕاستکردنەوە بەو شێوەیەی پلانی بۆ داڕێژراوە بەردەوامن.

• کۆنترۆڵی پڕۆسەکە لە دەستی دامەزراوە ئەمنییەکان و ئەو لیژنەیەدایە، کە لەلایەن جێگری سەرۆک کۆمارەوە سەرۆکایەتیی دەکرێت.

ئەردۆغان دەشڵێت "بە داماڵینی تەواوەتیی چەک و دەستنیشانکردن و پشتڕاستکردنەوە، پڕۆسەکە دەچێتە قۆناغێکی نوێ".

زانیاریى زیاتر بۆ تۆ:

لە تورکیا داوا دەکرێت چوار ڕۆژنامەوان بە لانیکەم 10 ساڵ زیندانیی بکرێن

دەمیرتاش: ئۆجەلان درکی بەوەکردووە کاتی خەباتی چەکداریی نەماوە

باخچەلی: پێشهاتی دڵخۆشکەر لە عێراق و سووریا ڕوودەدەن