پووختەى هەواڵەکە

• لە باکوورى ڕۆژئاواى ئێران 39 کەس دەستگیرکران.

• دەستگیرکردنى ئەو کەسانە بە تۆمەتى سیخوڕی بوە.

• حکومەتى ئێران: ئەو کەسانە کاریان بۆ ئەمریکا و ئیسرائیل کردووە.

• پڕۆسەى دەستگیرکردنەکە لە لایەن ئیتڵاعاتى پارێزگاى قەزوین بوە.

• ئێران: گرووپەکە خەریکی دروستکردنی ئاژاو و سوتانی شوێنە گشتییەکان بووە.

  ---

زانیارییەک گەیشتووە بە کەناڵ8، ئیتڵاعاتی پارێزگای قەزوین، ئاشکرایکردووە، ئەو 39 کەسە لە شێوەی هەشت گروپی ڕێکخراو لە دوای ئۆپراسیۆنێکی چڕی هێزەکانیان دەستگیر کراون.

ڕاگەیێنراوەکەی ئیتڵاعاتی پارێزگای قەزوین:

• گرووپەکان سەرقاڵی تێکدانی ئاسایشی ناوخۆی ئێران و سوتانی شوێنە گشتییەکان بوون.

• لەوانە پارک و بەنزینخانەکان و شەقامەکان و بانکەکان و فرۆشگاکان.

• دروستکردنی پشێوی کۆمەڵایەتی و ئەمنی لە ناوخۆی ئێران.

• لە کاتی دەستگیرکردنی ئەو گروپە دەست بەسەر ژمارەیەک چەک و تەقەمەنی و مادەی کحولدا گیراوە.

• 10 کەس لەو گرووپانە هەوڵدانداوە وێستگەیەکى سووتەمەنى لە گەڕەکی شەهید بابای شاری قەزوین بسوتێنن.

• دواتر لە ئۆپراسیۆنێکدا سەرجەمیان دەستگیرکراون.

دەستگیرکردنی ئەو گرووپانە لە کاتێکدایە لە دوای دەستپێکردنی جەنگی سەربازی نێوان تاران و واشنتن، چەندین جار غوڵامحسێن موحسینی، ئێژەی هەڕەشەی سزای توندی بۆ ئەو گرووپ و کەسانە دەکرد کە هەوڵی تێکدانی ئاسایشی وڵاتەکە دەدەن و دەست لەگەڵ ئەمریکی و ئیسرائیلییەکان تێکەڵ دەکەن.