پووختەى هەواڵ

• بەهۆى لافاوەکەوە ئاوى خواردنەوەى هەولێر لێڵ بوو بوو.

• لافاوەکەى سەرەتاى هەفتەى ڕابردوو زیانى زۆرى لە هاونیشتمانییان گەیاند.

• هاونیشتمانییان دەستیان بە پاککردنەوەى ماڵەکانیان کردووە و پێویستییەکى زۆریان بە ئاو هەیە.

ڕابەر حسێن، بەڕێوەبەرى ئاوى هەولێر بەکەناڵ8ـى ڕاگەیاند، سەرجەم وێستگەکان کاردەکەن و بۆ ماوەى 24 کاتژمێر ئاو بەسەر هاونیشتمانییان دابەشدەکەن و ئاوەکەش لێڵییەکەى نەماوە.

ڕابەر حسێن بەڕێوەبەری ئاوی هەولێر:

• لە پاش لافاوەکە ئەو ئاوەى دەگەیشتە وێستگەکان لێڵ بوو، ئێستا پاکە.

• وێستگەکانی پاڵاوتنی ئاوى ئیفراز 1 و 2 و 3 و فریاگوزاری خێرا لە کاردان.

• ئێستا هیچ کێشەیەک و شکانی بۆری نییە تاوەکو ببێتە ڕێگر لەبەردەم دابەشکردنى ئاو.

پێشتر بەڕێوەبەرایەتیی ئاوی هەولێر ڕایگەیاندبوو، بەهۆى لێڵبوونى زێى گەورە، بە ناچاری و بۆ سەلامەتیی تەندروستیی هاونیشتمانییان، کارکردن لە وێستگەکاندا بۆ ماوەیەکی کاتی وەستێنرا.

زانیاریى زیاتر بۆ تۆ:

دواى لافاوەکە وەزارەتى شارەوانى کەوتە جووڵە

لە سلێمانییەوە بۆ هەولێر؛ گەنجان بۆ هاوکاری زیانلێکەوتووانی لافاوەکە بەڕێکەوتن