پووختەى هەواڵەکە

• لە باکووری تورکیا کانێکی خەڵووز تەقییەوە.

• بەهۆیەوە سێ کەس گیانیان لەدەستدا.

• پێنج کەسی دیکەش بریندار بوون.

  ---

  زانیارییەک گەیشتووە بە کەناڵ8، نیوەڕۆی ئەمڕۆ هەینی، لە کانێکی خەڵووز لە شارۆچکەی کیلیملی سەربە زۆنگوڵداک، تەقینەوەیەکی بەهێز ڕوویدا و بەشێکی کانە خەڵووزەکە داڕووخا.

  ---

زانیارییەکان لای وەزارەتى تەندروستى تورکیا

• کەمال مەمیشئۆغڵو، وەزیری تەندروستیی تورکیا: بەهۆی تەقینەوەکەوە، سێ کرێکار گیانیانلەدەستداوە.

• پێنج کرێکاری دیکە بریندار بوون.

• برینی یەکێک لە بریندارەکان قورسە.

• بە مەبەستی چارەسەر ڕەوانەی ئەنقەرە کراوە.
  
  سەرەتای ئەم مانگەش، کانێکی خەڵووز لە شارۆچکەی سۆمای سەربە مانیسا داڕما و بەهۆیەوە پێنج کرێکار گیانیانلەدەستدا.
  
  ئەو تەقینەوەیەی لە کانەکەدا ڕوویداوە، بەهۆی کۆبوونەوەی غازی میسان و هەوا و بەرکەوتنی پریشکی ئاگر دروستبووە و بووەتە هۆی وێرانکارییەکی گەورە لەو شوێنەدا.
  
  لە تورکیا ساڵانە بەهۆی داڕمان و تەقینەوەی کانە خەڵووزەکانەوە، دەیان کەس گیانلەدەستدەدەن و ڕێکخراوەکانی تایبەت بە کرێکارانیش، حکومەت و کۆمپانیا تایبەتەکان بە بەرپرسیار و کەمتەرخەم ناودەبەن.

زانیاریی زیاتر بۆ تۆ:

خواستی جیهانی لەسەر خەڵووز گەیشتە لوتکە؛ 8 ملیار تۆنی تێپەڕاند