
لیژنەیەکى باڵا بۆ بەدواداچوونى دۆسیەى بەقاچاخبردنى نەوت سەردانى کەرکووکی کرد .
لیژنەی باڵا بۆ بەدواداچوونى بەقاچاخبردنى نەوت سەردانى هەرێمى کوردستان دەکات.
لیژنەى پەرلەمانیى تایبەت بە دۆسیەى بەقاچاخبردنى نەوت لەگەڵ وەزیرانى بەرگرى و ناوخۆ کۆدەبێتەوە.
بەگوێرەى زانیارییەکانى کەناڵ8، شەوى ڕابردوو لیژنەیەکى باڵاى ئەمنى لە نووسینگەى فەرماندەى گشتیی هێزە چەکدارەکانى عێراق، سەردانى کەرکووکى کردووە و لە بارەگاى فەرماندەیی ئۆپراسیۆنەکان لەگەڵ فەرماندە ئەمنییەکان کۆبووەتەوە، بڕیاریشە لیژنەکە سەردانى گەرمیان و سلێمانى بکات و سبەیش بچێتە هەولێر.
بە فەرمانى عەلى زەیدى، فەرماندەى گشتیی هێزە چەکدارەکان، لیژنەیەک بۆ لێکۆڵینەوە لە بەقاچاخبردنى نەوت لە کەرکووک و هەرێمى کوردستان پێکهێنراوە.
لیژنەکە دواى بەدواداچوونى مەیدانى و بەسەرکردنەوەى شارەکانى کەرکووک و سلێمانى و هەولێر، ڕاپۆرتێک بۆ فەرماندەى گشتیی هێزە چەکدارەکان بەرز دەکاتەوە.
جگە لە حکومەت، ئەنجوومەنى نوێنەرانیش بە فەرمانى پەرلەمانیى ژمارە 198 لیژنەیەکى کاتیی بۆ لێکۆڵینەوە لە بەقاچاخبردنى نەوت پێکهێناوە.
دوێنێ یەکشەممە لیژنەکە لەگەڵ وەزیرى نەوت و بەڕێوەبەرانى پەیوەندیدار بە دۆسیەى نەوت کۆبووەوە.
ئەمڕۆش لیژنەکە لەگەڵ فەرماندە ئەمنییەکانى کەرکووک و فەرماندە ئەمنییەکانى هەردوو وەزارەتى بەرگری و ناوخۆ کۆدەبێتەوە.
بڕیاریشە کاتژمێر حەوتى ئێوارە، لەگەڵ وەزیرانى بەرگرى و ناوخۆ و بەڕێوەبەرى نووسینگەى فەرماندەى گشتیی هێزە چەکدارەکان کۆببێتەوە.
هەموو ئەمانەش لەدوای گرژییەکانی ناوچەی جورفولسەخرەوە دێت بە ئاشکرابوونی بە قاچاخبردنی نەوت لەلایەن گرووپە چەکدارەکانەوە و هەوڵەکانی حکومەتى عێراق بۆ کۆنترۆڵکردنی ناوچەکە بە تەواوی.