شەکر لە سەرەتای تەمەندا مەترسیدارە

توێژینەوەیەکی زانکۆیەکی بەریتانی کاریگەرییەکانی شەکری لەسەر منداڵان دەرخستووە
دەرکەوتووە، شەکر لە 1000 ڕۆژی سەرەتای تەمەنی منداڵدا کاریگەریی نەرێنیی هەیە لەسەر دەرووندروستیی منداڵەکە لە داهاتوودا
توێژینەوەکە لەسەر 46 هەزار کەس کرا کە لە پاش جەنگی جیهانیی دووەمدا لەدایکبوون(لەو کاتەی شەکر زۆر کەم بووە)
دەرکەوت، ئەو کەسانەی لەو کاتەی لە سکی دایکیاندا بوون و لە سەرەتای تەمەنیاندا گرفتی کەمیی شەکر هەبووە، لە گەورەییدا کەمتر دووچاری دڵەڕاوکێ بوونەتەوە
بە پێچەوانەشەوە، ئەو کەسانەی دایکیان لەکاتی دووگیانیدا شەکریان زۆر خواردووە، هەروەها لە سەرەتای تەمەنیاندا شەکریان پێدراوە، زیاتر تووشی دڵەڕاوکێ بوون
توێژینەوەکە دەریشیخست، جۆری خۆراک لە سەرەتای تەمەندا کاریگەریی لەسەر حەزی منداڵەکە هەیە بۆ تام لە داهاتوویدا
واتە ئەو منداڵانەی لە سەرەتای تەمەنیاندا شەکر زیاتر دەخۆن، کە گەورەش دەبن زیاتر حەزیان لە شیرینی هەیە
ئەو منداڵانەشی خۆراکی تەندروستیان پێدراوە، لە داهاتوودا حەزیان لە خۆراکی تەندروستە زیاتر
واتە خانمان هەر لەکاتی دووگیانییەوە تاوەکو دوو ساڵ پاش منداڵبوونەکەشیان، ڕۆڵیان هەیە لە دیاریکردنی شێوازی ژیانی منداڵەکانیان
شێوازی ژیانی تەندروستیش هۆکارە بۆ کەمکردنەوەی مەترسیی تووشبوونی منداڵەکانیان بە چەندین نەخۆشیی جیاواز
توێژینەوەکە لە گۆڤاری ترانزلەیشنەڵ سایکایەتری بڵاوکراوەتەوە