پووختەی هەواڵەکە

• بە بڕیارى قوباد تاڵەبانى، بودجەى پێویست بۆ نۆژەنکردنەوەى 133 خوێندنگە لە سنوورى ئیدارەى سەربەخۆى گەرمیان تەرخانکرا.

• ئیدارەى گەرمیان دەڵێت، بەزووترین کات دەستدەکرێت بە کاری نۆژەنکردنەوەکان.

ئیدارەى گەرمیان لە ڕاگەیێنراوێکدا ئاماژەى بەوەکردووە، بەسەرپەرشتیی سەرپەرشتیاری ئیدارەی گەرمیان و بەئامادەبوونی نوێنەری قوباد تاڵەبانی، لە بەڕێوەبەرایەتیی گشتیی پەروەردەی گەرمیان کۆبوونەوەیەک بەڕێوەچوو تێیدا ڕێکارەکانی هەڵمەتی نۆژەنکردنەوەی قوتابخانە و خوێندنگەکان ڕاگەیێنرا.

کەرتی پەروەردە

• لە کۆبوونەوەکەدا، تیشکخرایە سەر میکانیزمی نۆژەنکردنەوەی خوێندنگەکان.

• بەجۆرێک هەموو خوێندنگە و قوتابخانەیەک لە سنوری پەروەردەی گەرمیاندا نۆژەنبکرێتەوە .

• کەموکورتییەکانی قوتابخانەکان چارەسەر بکرێن و هیچ قوتابخانەیەک نەمێنێت کێشەی هەبێت.

بەگوێرەى ئامارەکانى پەروەردەی گەرمیان نۆژەنکردەوەکان بەم شێوەیەیە:

• لە سنوورى ئیدارەی گەرمیان، 133 خوێندنگە و قوتابخانە پێویستیان بە نۆژەنکردنەوەیە.

• بەجۆرێک لە سنوری قەزاکانی کەلار و ڕزگاری و شارەدێکانیان 90 قوتابخانە.

• لەسنوری شارۆچکەى کفری 38 قوتابخانە.

• لەسنوری پەروەردەی خانەقینیش 5 قوتابخانە نۆژەندەکرێنەوە.

• پرۆژەی دوو قوتابخانە لە شارەدێکانى کۆکس و سەرقەڵا کە زۆربەی کارەکانیان ئەنجمدراون تەواو دەکرێن.

هەر لەو کۆبونەوەیەدا، بڕیاردرا بە زوترین کات کارەکانی نۆژەنکردنەوەی قوتابخانە و خوێندنگەکان دەستپێبکرێت بە ئامانجی باشتر بەڕێوەچوونی پرۆسەی خوێندن لە ناوەندەکانی خوێندندا.

زانیاریی زیاتر بۆ تۆ