• لە شاری سلێمانی لەدایکبووە

• لە سەرەتای هەشتاکانی سەدەی ڕابردووەوە، دەستی بە کاری هونەری کردووە

• ساڵانی 1982 بۆ 1986 لە زانکۆی بەغداد هونەرەجوانەکانی خوێندووە

• ساڵی 2008 پلەی ماستەری بەدەستهێناوە لە زانکۆی سلێمانی بە ناونیشانی هونەری ئەبستراکت ئێکسپرێشنیزم

لەماوەی کارکردنی هونەریی خۆیدا: بەنزیکەی 10 پێشانگەی تاکەکەسی کردووەتەوە، بەشداریی ژمارەیەک لە پێشانگەی هاوبەش و ڕووداوە هونەرییە نێودەوڵەتییەکان کردووە.

لە دیارترینی ئەو ڕووداوە هونەرییانەی بەشدار بووە تیایاندا:

• بینالیی لانگکاوی مالیزیا 2014

• بینالیی تۆکیۆ Jala لە ژاپۆن 2018

• بیستەمین دیداری نێودەوڵەتیی نیگارکێشان لە ئۆڵکوش و کراکۆڤی پۆڵەندا 2024

هاوتای نیگارکێشی، نووسەرێکی چالاکە و تاوەکو ئێستا 14 کتێبی هەیە، لە بوارەکانی:

• ڕەخنەی هونەری

• گەڕان و بەبەڵگەنامەکردنی مێژووی هونەری کوردی

• پڕۆگرامی خوێندن بۆ خوێندکارانی پەیمانگە و کۆلێژە هونەرییەکان

لەسایەی بەرهەمە نووسراوەکانیدا، بانگهێشتی پێگە و زانکۆ ئەوروپییەکان کراوە بەمەبەستی سازکردنی کۆڕ و سیمینار لەبارەی مێژووی هونەری کوردی لە باشووری کوردستان.

بە تێکڕای کارە هونەرییەکانی، توانیویەتی زیاتر لە 10 خەڵات و بڕوانامەی تایبەت لە ئاستی ناوخۆ و دەرەوەی کوردستان بەدەستبهێنێت.

هاودامەزرێنەری پڕۆژەی باڵندەبارانی کوردستانە، کە ئامانجی پەرەپێدانی ئاڵوگۆڕی کولتوورییە لەنێوان باکووری فەڕەنسا و کوردستان، ئەم هاوکارییە کاریگەریی هەبووە لەسەر دامەزراندنی مۆزەخانەی هونەری هاوچەرخی سلێمانی لە ساڵی 2004؛ ئەندامی بۆردی بەڕێوەبردنی ئەم مۆزەخانەیە بووە.