پووختەی هەواڵ:

• لەماوەی ڕابردوودا گرتەیەکی ڤیدیۆیی لە تۆڕە کۆمەڵایەتییەکان بڵاوبووەوە گوایە ماجد موهەندیس گەڕاوەتەوە بۆ عێراق.

• لە ناوەڕۆکی دەنگۆکاندا ئاماژە بەوە درابوو موهەندیس بۆ کۆنسێرتە نوێیەکەی ئێستا لە بەغدادە.

• کولتووری کەناڵ8 بەدواداچوونی کردووە و دەرکەوتووە زانیارییەکان ساختەن.

• مێژووی ئەو ڤیدیۆیەی بڵاوکراوەتەوە دەگەڕێتەوە بۆ سێ ساڵ لەمەوپێش.

• ماجد موهەندیس لە بەغداد نییە و جارێ وادەی گەڕانەوەی دیار نییە.

• بڕیارە 20ـى تشرینی دووەم لە بەغداد کۆنسێرت سازبکات.

کۆمەڵگەی عێراقی، کاریگەر بوون بە بڵاوبوونەوەی گرتەیەکی ڤیدیۆیی، کە تیایدا ماجد موهەندیس، گۆرانیبێژی بەڕەچەڵەک عێراقی و هەڵگری ڕەگەزنامەی سعودی، لە فڕۆکەخانەی بەغداد هاوشانی ئەحلام، خانمە گۆرانیبێژی کوەیتی دادەبەزێت، بەڵام:

• مێژووی ڤیدیۆکە دەگەڕێتەوە بۆ ساڵی 2023

• ڤیدیۆکە لە سەروبەندی ئامادەکاریی ئەو دوو گۆرانیبێژە تۆمارکراوە بۆ پێشکەشکردنی ئاهەنگی کۆتایی جامی کەنداو

چاودێران: ڕاستە پێشبینی دەکرێت لە کۆتایی ئەم مانگەدا موهەندیس لە بەغداد کۆنسێرت بکات، بەڵام هیچ پێشهات و ڕووداوێک ڕوویاننەداوە و هێشتا ئەم هونەرمەندە نەهاتووەتە سەر خاکی عێراق.

ماجد موهەندیس:

• ساڵی 1971 لە بەغداد لەدایکبووە

• هەڵگری ڕەگەزنامەی سعودییە و لە دوبەی دەژی

• سەرەتای نەوەدەکانی سەدەی ڕابردوو دەستی بە وتنی گۆرانی کردووە

• بەنزیکەی 20 ئەلبووم و 60 گۆرانی هەیە

• گۆرانیی بۆ زیاتر لە 10 زنجیرەی تەلەڤیزیۆنیی وتووە

• خاوەنی چەند ناسناوێکە: ئەندازیاری گۆرانیی عەرەبی، خاوەن دەنگی ئەڵماسی و شازادەی گۆرانیی عەرەبی