پووختەی هەواڵ:

• یەکشەممەی ڕابردوو، ئەمیتاب باچان، گەورە ئەکتەری هیندستان، بە شێوەیەکی جیاواز و ناباو پێشوازیی لە هەوادارانی کرد

• باچان لە پشتەوەی قەڵغانێکی شووشەیی دەرکەوت و سڵاوی لە هەمووان کرد

• چاودێران ئەم شێوازە دەرکەوتنەی دەگەڕێننەوە بۆ بوونی مەترسی لەسەر ژیانی

• پێشووتر ئەکتەرێکی هیندی بەهۆی چەتەیەکی وڵاتەکە کرایە ئامانج

• ئەم دەرکەوتنەی باچان ئەندامێکی کۆنگرێسی هیندستانی خستووەتە گومانەوە

ساشین ساوانت، ئەندامێکی کۆنگرێسی هیندستان دەڵێت:

باچان چ پێویستییەکی بەم شێوازە خۆپارێزییە هەیە؟ پێدەچێت ئەم دەرکەوتنە نوێیە، پەیوەندیی بە ڕووداوی تەقەکردنەکانی پێشوو هەبێت، کە لۆرەنس بیشنۆی چەتە ئەنجامیدابوو.. پیشانیدەدات حکومەت لە چ ئاستێکی پاراستنی وڵاتەکەدایە

باچان وەها باوە، هەفتانە لە ڕۆژی یەکشەممەدا، بچێتە دەرەوەی ماڵەکەی و سڵاو لە هەوادارانی بکات، دەرکەوتنی ئەم هەفتەیەی بەم جیاوازییە، بووە بە جێگەی سەرنجی هەمووان.

دەرکەوتنی باچان لە پشتەوەی قەڵغانەوە:

• ڕەخنەکانی دژ بە یاسا و سیستمی حوکمڕانیی هیندستانی زەق کردووەتەوە

• بەکارهێنەرانی تۆڕەکۆمەڵایەتییەکان ئەم دەرکەوتنەیان بەستووەتەوە بە قەیرانەکانی سووتەمەنی و دابەزینی بەهای ڕوپیی هیندی

پێشووتر چی ڕوویدابوو؟

• لەو گەڕەکەی باچان نیشتەجێیە، لە ناوەڕاستی تشرینی یەکەم، تەقە لە تایگەر شرۆف ئەکتەر و گۆرانیبێژی ناسراوی هیندی کرا

• شرۆف لە ڕووداوەکە ڕزگاری بوو بەڵام شۆفێرەکەی و هاوڵاتییەک بریندار بوون

• لۆرەنس بیشنۆی چەتە تەقەکردنەکەی لەئەستۆ گرت

• لێکۆڵەران گومان دەکەن کەسایەتییەکانی وەکو ئەمیتاب باچان، شاروخ خان، ئەمیر خان، ئەکشای کومار و سەلمان خان کرابێتنە ئامانج

ئەمیتاب باچان کێیە؟

• ساڵی 1942 لەدایکبووە

• یەکێکە لە بەناوبانگترین ئەکتەرانی هیندستان

• بە شاهەنشای بۆڵیوود ناسراوە

• ئەکتەر، بەرهەمهێنەر، پێشکەشکار و سیاسەتمەداری پێشووە

• حەفتاکانی سەدەی ڕابردوو، سینەمای پڕ لە ڕۆمانسی هیندستانی گۆڕی بە سینەمایەکی یاخی و نمایندەی چینی کرێکاری کرد

• بە گەنجی ناسناوی کوڕە گەنجە توڕەکەیان پێ داوە

• بەهۆی فیلمی Zanjeer 1973 ناوبانگی پەیداکردووە