پووختەی هەواڵ:

• چاڵێکی گەورە لە نزیک ماڵەکەی نیکۆلاس کەیج لە مالیبو دروستبووە و بەهۆیەوە ماڵەکەی جێهێشتووە

• کەیج بە گوتەی خۆی ئێستا لە لانەواز دەچێت و ناچارە لە هۆتێل بژی و بمێنێتەوە

• تاوەکو ئێستا ڕوون نییە بۆچی ئەو چاڵە گەورەیە لە نزیک ماڵەکەی کەیج دروستبووە

لەمیانی کۆنگرەی کۆمیکی لۆس ئانجلس، کەیج ئاماژەی بەوە دا:

ئێستا کەمێک بێ ماڵ و حاڵم.. شتێک لە نزیک ماڵەکەم ڕوویداوە، ناچار بووم خۆم و خانەوادەکەم چۆڵی بکەین.. ئێستا بەنزیکەی لە هۆتێلەکاندا دەژیم و دەمێنمەوە.

بەهای ماڵەکەی کەیج 10.5 ملیۆن دۆلارە و لەسەر کەناراوێکی دڵگیر هەڵکەوتووە.

چاڵەکە بەنزیکەی هەشت مەتر قووڵە؛ 31 ماڵی بەشێک لە گەڕەکێکی شاری مالیبوی چۆڵکردووە و دیارترینیان ماڵەکەی نیکۆلاس کەیجە.

شارەزایان هێشتا ڕوونکردنەوەیان لەبارەی دروستبوونی چاڵەکە نەداوە، بەڵام پێدەچێت پەیوەست بێت بە گۆڕانکارییە ژینگەییەکان و زریانی ماری.

نیکۆلاس کەیج:

• تەمەنی 62 ساڵە

• لە دیارترین ئەکتەرە ئەمریکییەکانە

• 45 ساڵە کاری هونەری دەکات

• لە 131 فیلم و زنجیرەدا بەشداری کردووە

• دەرهێنانی بۆ یەک فیلم کردووە

• براوەی 72 خەڵاتی هونەرییە