پووختەى هەواڵەکە

• جەخت لە هەڵوێستی عێراق کرایەوە بۆ ڕێزگرتن لە سەروەریی وڵاتان.

• زەیدی: نابێت خاکی عێراق بۆ هێرشکردنە سەر وڵاتانی دراوسێ بەکاربێت.

• جەخت لە گرنگیی بەردەوامیی پەیوەندیی نێوان هەردوولا کرایەوە.

  ---

نووسینگەى ڕۆژنامەوانى عەلی فالح زەیدی، سەرۆکوەزیرانى عێراق، ڕاگەیێنراوێکى بڵاوکردەوە و تیایدا ئاشکرایکردووە، ئەمڕۆ پێنجشەممە، پەیوەندییەکی تەلەفۆنی لەگەڵ دۆناڵد ترەمپ، سەرۆکی ویلایەتە یەکگرتووەکانی ئەمریکا ئەنجامدا، لە میانی پەیوەندییەکەدا تاوتوێی دوایین پێشهاتەکانی ناوچەکە، گۆڕانکارییە ئەمنییەکان و ئاسۆی قۆناغی داهاتوو کرا.

ناوەڕۆکى پەیوەندییەکەى ترەمپ و زەیدى

• باس لە گرنگیی هەماهەنگی و راوێژکاریی نێوان هەردوو وڵات کرا بەرامبەر بە ئاڵنگارییە هەنووکەییەکان.

• کارکردن لەسەر پاڵپشتیکردنی سەقامگیریی هەرێمایەتی و زاڵکردنی زمانی دیالۆگ و دیپلۆماسی لە چارەسەرکردنی قەیرانەکاندا.

• بە جۆرێک یارمەتیدەر بێت بۆ کۆنتڕۆڵکردنی گرژییەکان و ڕێگریکردن لە فراوانبوونی بازنەی ململانێکان.

• جەخت لە هەڵوێستی عێراق کرایەوە بۆ ڕێزگرتن لە سەروەریی وڵاتان.

• بەکارنەهێنانی خاکەکەی وەک بنکەیەک بۆ دەستدرێژیکردنە سەر وڵاتانی دراوسێ.

• هەروەها پێویستیی پەنابردنە بەر چارەسەری ئاشتییانە و دیالۆگی بونیادنەر.

• بە شێوەیەک ئاسایشی ناوچەکە و سەقامگیریی گەلەکانی بپارێزێت.

هەردوولا جەختیان لە گرنگیی بەردەوامیی پەیوەندیی نێوان هەردوو وڵات کردەوە و هەماهەنگیکردنی هەڵوێستەکان لەسەر پرسە جێ بایەخە هاوبەشەکان، بە جۆرێک کە پەیوەندییە دووقۆڵییەکان بەهێزتر بکات و خزمەت بە بەرژەوەندییە هاوبەشەکان بگەیێنێت.

زانیاریی زیاتر بۆ تۆ:

وەزارەتى دەرەوەى ئەمریکا: عێراق لەژێر سەرکردایەتیى عەلى زەیدى ڕێچکەیەکى نوێى گرتووەتەبەر

پێگەى فۆڕبس: ئەمریکا وەبەرهێنانەکانى لە عێراق وەک بەشێک لە ئاسایشى نەتەوەیی سەیر دەکات

زانیارییەکانی کەناڵ8؛ ترەمپ ڕەزامەندی داوە عەلی زەیدی نێوەندگیریی نێوان ئەمریکا و ئێران بکات