سەرۆکوەزیرانی عێراق گەیشتە دیمەشق و لەگەڵ شەرع کۆدەبێتەوە
پووختەی هەواڵەکە
گوتەبێژى حکومەتی عێراق ڕایگەیاند، سەرۆکوەزیرانی عێراق لە دیمەشق لەگەڵ سەرۆککۆماری سووریا کۆدەبێتەوە.
لە کۆبوونەوەکاندا تاوتوێی پەیوەندی عێراق و سووریا و دۆخى ناوچەکە و ئاڵنگارییەکان دەکرێت.
سەرۆکوەزیرانی عێراق، بە سەردانێکی فەرمیی گەیشتە سووریا و لەلایەن ئەحمەد شەرع، سەرۆککۆمارى سووریا پێشوازى لێکرا. گوتەبێژی حکومەتى عێراق ڕایگەیاند، سەردانەکە بۆ بەهێزکردنی پەیوەندەییەکانی نێوانیانە بۆ خزمەتکردنی بەرژەوەندی هەردوو گەلانی برا.
حەیدەر عەبودی گوتەبیژی حکومەتی عێراق:
عەلی زەیدی، سەرۆکوەزیرانی عێراق بەسەرۆکایەتی شاندێکی باڵا سەردانی سووریا دەکات و لەگەڵ ئەحمەد شەرع، سەرۆکی ئەو وڵاتە لە دیمەشق کۆدەبێتەوە.
زەیدی و شەرع تاوتوێی پەیوەندی عێراق و سووریا، پەرەسەندنەکانی ناوچەکە، کاریگەری و ئاڵنگارییە جیۆسیاسییەکانی نێوانیان دەکەن.
هەماهەنگی ئابووری و بازرگانی لەپێشینەی گفتوگۆکانە ئەوەش پاڵشت بە پێویستی هەردوو وڵات بۆ هاوبەشی ئابووری و بازرگانی کە پەیوەندییەکان بگۆڕێت بۆ بەرژەوەندی هاوبەش و هەلی پەرەپێدان و وەبەرهێنان.
ئەم سەردانە دەربڕینی پەرۆشی عێراقە بۆ لێکگەیشتنی هاوبەش و چەسپاندنی ئاسایش و سەقامگیری لە ناوچەکەدا.
پێشتر پەیامنێری کەناڵ8 زانیویەتی، لەم سەردانەی زەیدیدا تاوتوێی ئاساییکردنەوە و بەهێزکردنی پەیوەندییەکانی بەغداد و دیمەشق دەکرێت، یەکێک لەو تەوەرانەی بڕیارە زەیدی و شەرع گفتوگۆی لەسەر بکەن، ئاسایشی سنوورەکان، بەرەنگاربوونەوەی تیرۆر، هەماهەنگی ئەمنی و ڕێگرییە لە قاچاچێتی.
سەرۆکوەزیرانی عێراق و سەرۆکی سووریا، لە کۆبوونەوەی نێوانیان باس لە گواستنەوەی نەوتی عێراق لەڕێگەی تەنکەرەوە بۆ سووریا، لەگەڵ دروستکردنەوەی بۆریی گواستنەوەی نەوتی عێراق بۆ بەندەری بانیاسیش دەکەن.
