پووختەى هەواڵەکە

• دیزاینەکانى ڕێگەى گەشەپێدان لە تەواوبووندان.

• قۆناغى یەکەمى ڕێگەى گەشەپێدان 100 هەزار هەلیکار دەستەبەر دەکات.

  ---

عەلى خالیدى، گوتەبێژى وەزارەتى گواستنەوەى عێراق، ڕایگەیاند، ڕێژەى تەواوکردنى دیزاینەکانى تایبەت بە هێڵى شەمەندەفەرى پڕۆژەى ڕێگەى گەشەپێدان گەیشتووەتە 95%، ڕێژەى تەواوکردنى دیزاینەکانى ڕێگەى وشکانیش گەیشتووەتە 92%.

پڕۆژەى ڕێگەى گەشەپێدان

• بڕیار وایە قۆناغى یەکەمى ڕێگەى گەشەپێدان لە ساڵى داهاتوودا دەستپێبکات.

• پڕۆژەکە لە ساڵى 2033 تەواو دەکرێت.

• هێڵى شەمەندەفەرى پڕۆژەکە بە 10 پارێزگا و ناوچەدا تێدەپەڕێت.

• لە پارێزگاى بەسڕەوە دەستپێدەکات و بە زیقاڕ، موسەننا، دیوانییە، نەجەف، کەربەلا، دواتر بۆ ئەنبار، ئەبوغرێب لە سامەڕا و موسڵ.

• لەوێشەوە دەچێتە دەروازەى پیشخاپوور لەسەر سنوورى عێراق و تورکیا.

• گفتوگۆ لەگەڵ کۆمپانیا گەورەکانى وەبەرهێنان بەردەوامە.

• لەگەڵ تورکیاش هەماهەنگى و ڕاوێژ هەیە.

• تاوەکو ئێستا کۆمپانیایەکى دیاریکراو بۆ جێبەجێکردنى پڕۆژەکە دەستنیشان نەکراوە.

• چاوەڕوان دەکرێت، قۆناغى یەکەمى پڕۆژەکە 100 هەزار هەلیکار دەستەبەر بکات.

• دروستکردنى وێستگە و گوندى مۆدێرن و شارى پیشەسازیی و نیشتەجێبوون بە درێژایی ڕێڕەوى پڕۆژەکە.

• دەبنتە مایەى ڕەخساندنى زیاتر لە یەک ملیۆن هەلیکار لە کاتى پەرەپێدانى پڕۆژەکە و دامەزراوەکانى.

پڕۆژەى ڕێگەى گەشەپێدان بریتییە لە دوو هیڵى هاوتەریبى گواستنەوەى وشکانى و شەمەندەفەر، لە بەندەرى فاو لە بەسڕەوە کاڵا و سەرنشین دەگوازێتەوە بۆ سەر سنوورى تورکیا.

درێژیى هێڵى شەمەندەفەرەکەى هەزار و 175 کیلۆمەتر و ڕێگەى وشکانیش هەزار و 190 کیلۆمەترە.

تێچووى پڕۆژەکە بە 17 ملیار دۆلار مەزەندەکراوە و بڕیارە تاوەکو ساڵى 2050 سەرجەم قۆناغەکانى تەواو ببن

زانیاریی زیاتر بۆ تۆ:

بەستنەوەی دەروازەی فیشخابوور - ئۆڤاکۆ بە پڕۆژەی ڕێگای گەشەپێدان

نەوت لەبەرامبەر ئاوەدانکردنەوە؛ عێراق و تورکیا بۆ پارەدارکردنی ڕێگەی گەشەپێدان دەچنە قۆناغێکی نوێوە

عێراق و تورکیا گۆڕانکارییەکانى پڕۆژەى ڕێگەى گەشەپێدان تاوتوێ دەکەن