.jpg)
لافاو چووە ناو کەمپى ئاوارەکانى کۆبانێ.
چەند ماڵێکى نیشتەجێى کەمپەکە زیانیان بەرکەوت.
لافاو زیانى بە بەرهەمى کونجى و گەنمەشامى جووتیاران گەیاند.
زانیارییەک لە دەلیل ڕەمەزان، پەیامنێرى کەناڵ8 لە کۆبانێ گەیشتووە، دەڵێت، شەپۆلێکى بەهێزى بارانبارین زیاتر لە چوار کاتژمێر بەبێ وەستان شارى کۆبانێى گرتەوە و بەهۆیەوە ئاو چووەتە ناو چەند خێمەیەکى ئاوارەکان و زیان بەکەرەستە و کەلوپەلەکانیان گەیشتووە، لایەنە پەیوەندیدارەکانیش ئاماژەیان بۆ ئەوە کردووە، لافاوەکە زیانى گیانیی نەبووە.
لە دەرەوەى کۆبانێ بارانبارینى بەهێز و لافاو زیانى بە بەرهەمى کونجى و گەنمەشامیى جووتیاران گەیاندووە.
ئێستا وەرزى دروێنەى ئەو دوو بەرهەمە کشتوکاڵییەیە.
بارانبارینەکەى ڕۆژئاواى کوردستان گشتگیر بووە و جگە لە کۆبانێ، چەند ناوچەیەکى دیکەشى گرتووەتەوە و زیانی ماددی هەبووە.