پووختەى ڕاپۆرتەکە

• وەرزش بووەتە خولیاى گەنجێکى سنەى ڕۆژهەڵاتى کوردستان.

• نامدار ئەحمەدی: بە جووڵەی جەستە و نمایشە جیاوازەکانی سەرنجی خەڵکی ڕاکێشاوە.

  ---

زۆرن ئەوانەی هەر لە تەمەنی منداڵییەوە خولیا و ئاواتێک دەبێتە کلیلی بەردەوامیی ژیان و بەدیهێنانی خەونە یەک لە دوای یەکەکانیان، لەو سۆنگەیەوە، کەناڵ8 گەنجێکی تەمەن 18 ساڵی گوندی هۆیەی شاری سنەی ڕۆژهەڵاتی کوردستانى بەسەرکردووەتەوە.

نامدار ئەحمەدى کێیە و بەهرەکەى چییە؟

• نامدار ئەحمەدی لە تەمەنی 10 ساڵییەوە ڕێگای وەرزشی گرتووەتەبەر.

• نامدار ئەحمەدی بە بەردەوامی ڕاهێنانی کردووە.

• بۆ ئەوەی بتوانێت داهاتوویەکی ڕوون و گەش بۆ خۆی و بنەماڵە و شارەکەی دروست بکات.

• بە هێز و بەهرەی جەستەیی و نمایشە جیاوازەکانی دەیەوێت وەک وەرزشوانێکی هێز و جەستە خۆی پیشان بدات.

• توانیویشیەتی سەرنجی زۆرکەس بۆ لای خۆی ڕاکێشێت.

• هەمووی هێمای هەوڵ و ماندبوونی ساڵانێک لە ڕاهێنان و شەو نخوونی بووە.

ئەوەی چیرۆکی نامداری جیاواز کردووە، ئەوەیە ئەو منداڵی خێزانێکی کەمدەرامەتە، هەموو بژێویی ژیانی خێزانەکەی لەسەر شانێتی، لە پاڵ سەختی و کاری ڕۆژانە و دابینکردنی بژێوی بۆ خێزانەکەی، خولیا و ئاواتەکانی پشتگوێ نەخستووە و دەیەوێت لەو ڕێگایەوە دەرگای نوێ بۆ خۆی و خێزانەکەی بکاتەوە.