فەرمانگەی میدیا و زانیاری رایگەیاند، حكومەتی هەرێمی كوردستان بۆنە و یاد و رۆژانی پشووە فەرمییەكانی لە ساڵنامەی فەرمیی حكومەتدا دیاری كردووە، لە ئێستادا بۆنە و یاد و پشووەكان هەر وەك خۆی دەمێنێتەوە.

فەرمانگەی میدیا و زانیاریی هەرێمی کوردستان ئاماژەی بەوەش کردووە، هیچ گۆڕانکارییەک لە ساڵنامەی فەرمیی حکومەتدا نەکراوە و ناکرێت، تاوەکو پەرلەمانی كوردستان بەپێی دەسەڵاتەکانی خۆی پێداچوونەوەی بۆ دەكات و بڕیاری نوێی بۆ دەردەكات.

هاوکات بەگوێرەی ساڵنامەی فەرمیی حکومەتی هەرێمی کوردستان سبەی 16ـی ئازار پشوو نییە و دەوامی ئاسایی دەکرێت.

ئەوەش لەکاتێکدایە، کۆتایی مانگی پێنجی ساڵی رابردوو ئەنجوومەنی نوێنەرانی عێراق دەنگیدا لەسەر بە پشووکردنی 16ـی ئازار لە تەواوی عێراق بەبۆنەی یادی کیمیابارانی هەڵەبجە.