پووختەى هەواڵەکە

• ئێران بە چەک و تەقەمەنى کە بەشێکى بێبەرامبەربووە پشتیوانیی عێراقى کردووە.

• ئێران ڕاوێژکارى ناردووە بۆ پاڵپشتیی حەشدى شەعبى.

  ---

دەستەى حەشدى شەعبى، لە ڕاگەیێنراوێکدا لێدوانى چالاکوانێکى لە کەناڵێکى ئاسمانى ڕەتکردووەتەوە کە گوتوویەتى، حکومەتى عێراق لە کاتى جەنگى دژ بە گرووپە تیرۆریستییەکان مووچەى بە ڕاوێژکارانى ئێرانى داوە.

ناوەڕۆکى ڕاگەیێنراوەکە

• لێدوانى نابەرپرسیارانەى لەو جۆرە سوکایەتییە بە ڕاستییەکانى ئەو قۆناغە.

• بێبایەخکردنى خوێنى شەهیدان و نکۆڵیکردنە لەو هەڵوێستانەى پاڵپشتیی عێراقیان کرد لە بەرەنگاربوونەوەى تیرۆر.

• کۆمارى ئیسلامیی ئێران پاڵپشتیی پێشکەش بە عێراق کرد.

• لەوانە پێدانى چەک و تەقەمەنى کە بەشێکیان بێبەرامبەربوون.

• هەروەها ناردنى ڕاوێژکارانى شارەزا بۆ پاڵپشتیی حەشدى شەعبى.

• کە 55 کەسیان شەهیدبوون و ژمارەیەکى زۆریان برینداربوون.

• لە وەبیرهێنانەوەى ئەم هەڵوێستانە، بە شکۆوە یادى سەرجەم شەهیدان دەکەنەوە.

• کە بەبێ بەرامبەر خۆیان بەختکرد بۆ بەرگریی لە عێراق و خاکى پیرۆزییەکان.

• لە پێش هەموویانەوە حاجى قاسم سولەیمانى، کە بەخوێنى خۆیان بەرزترین واتاى قوربانیدان و دڵسۆزییان لە بەرەنگاربوونەوەى تیرۆر بەرجەستەکرد.

وەک حەشدى شەعبى دەڵێت، بەبیرهێنانەوەى ئەم ڕاستیانە منەت نییە بەسەر عێراقدا، بەڵکو دادپەروەرییە بۆ قوربانیدانەکان و پاراستنى وەفا، نکۆڵیکردنى ناگونجێت لەگەڵ ڕەسەنایەتیی هاوڵاتیی عێراق و بەها ئەخلاقى و نیشتمانییەکان.