پێشڕەو عەبدوڵا، نوێنەری کۆمەڵەی پەنابەرە گەڕاوەکانی کوردستان لە ئەوروپا ڕایگەیاند، 61 هاونیشتنمانیی هەرێمی کوردستان لە لیبیا دەستبەسەر کراون و داوا لە حکومەتی هەرێمی کوردستان و حکومەتی عێراق دەکەین هەرچی زووە بیانگەڕێننەوە نیشتمان.

دەشڵێت، "لەو گرتوخانانەدا کە ئەو کۆچبەرانە دەستبەسەرکراون چەندین نەخۆشیی جۆراوجۆر بڵاوبوونەتەوە و هەندێک لەوانە ڕاستەوخۆ کاریگەری دەکاتە سەر کۆچبەرەکان."

ئاماژەی بەوەشکردووە، داوایەکی بەپەلەمان هەیە کە ئەو کۆچبەرانە بگەڕێنرێنەوە بۆ نیشتمان.