پووختەی هەواڵەکە

• زیادبوونی کێشی جەستە دوای بەکارهێنانی دەرمانی دابەزاندنی چەوری بەهۆی بەکارهێنانی خودی دەرمانەکەوە نییە.

• زیادبوونی کێشی جەستە دوای بەکارهێنانی دەرمانەکە بەهۆی گۆڕینی شێوازی خواردنەوەیە لە کاتی بەکارهێنانی دەرمانەکەدا.

بەشێک لە چارەخوازان دەڵێن '' دوای بەکارهێنانی دەرمانەکانی دابەزاندنی چەوری و بە تایبەت گروپی دەرمانەکانی ستاتین، کێشی جەستەمان زیادی کردووە''، بەڵام توێژینەوەیەک کە بە ئەم دوواییانە لەسەر پەیوەندیی نێوان دەرمانەکانی دابەزاندنی چەوری و زیادبوونی کێشەی جەستە ئەنجام دراوە، ئەم دەنگۆیانە ڕەت دەکاتەوە.

وردەکاریی ئەنجامدانی توێژینەوەکە

• توێژینەوەیەک بەهاوبەشی توێژەرانی پۆڵەندا و ئەمریکا لەسەر کاریگەرییەکانی دەرمانی ستاتین کە دەرمانێکە بۆ دابەزاندنی چەوری بەکار دێت، ئەنجام دراوە.

• توێژینەوەکە لەسەر ئاژەڵی بەراز ئەنجام دراوە، بەرازەکان بۆ دوو گروپ جیاکراونەتەوە.

• گروپی یەکەمیان لە ژێر کۆنتڕۆڵی توێژەراندا بوون و دەرمانی ستاتینیان پێ نەدراوە.

• گروپی دووەمیان دەرمانی ستاتینیان پێدراوە.

• دوای پێدانی دەرمانەکانی دژەچەوری هەڵسەنگاندن بۆ ئاستی هۆڕمۆنەکانی ئینسۆلین، کۆرتیزۆڵ، لێپتین و غریلین و چەندین هۆڕمۆنی دیکە کراون.

ئەنجامەکانی توێژینەوەکە

• زیادبوونی کێشی جەستە دوای بەکارهێنانی دەرمانی دابەزاندنی چەوری بەهۆی بەکارهێنانی خودی دەرمانەکەوە نییە.

• زیادبوونی کێشی جەستە دوای بەکارهێنانی دەرمانەکە بەهۆی گۆڕینی شێوازی خواردنەوەیە لە کاتی بەکارهێنانی دەرمانەکەدا.

ڕێگاکانی هێشتنەوەی کێشی جەستەی تەندروست

• ئەنجامدانی چالاکیی جەستەیی

• خەوی گونجاو

• خواردنی ئەو خواردنانەی دەوڵەمەندن بە پێکاتەی ڕیشاڵی

• وەرگرتنی بڕی گونجاوی پڕۆتین

• ئاوخواردنەوەی پێویست

• دوورکەوتنەوە لە ئەو خواردنانەی شەکریان زۆر تێدایە

• دوورکەوتنەوە لە خواردنەوە گازییەکان

زانیاریی زیاتر

بۆ دەستکەوتنی زانیاریی زیاتر دەتوانن سەردانی ئەم لینکەی خوارەوە بکەن.

توێژینەوەیەک: بەرزیی ئاستی هۆڕمۆنێک هۆکاری دووبارە زیادبوونەوەی کێشی جەستەیە | CHANNEL8