ئامێرێکی نوێ جیاوازیی نێوان ئاڵزهایمەر و لەبیرچوونەوەی پەیوەست بە تەمەن دەکات
پووختەی هەواڵەکە
توێژەران ئامێرێکی وێنەیی نوێیان داهێناوە بۆ دەستنیشان و جیاوازیی نێوان نەخۆشیی ئاڵزهایمەر و لەبیرچوونەوەی پەیوەست بە تەمەنەوە، مەبەست لە بیرچوونەوەی پەیوەست بە تەمەن، ئەو لە بیرچوونەوەیەیە بە شێوەیەکی گشتی لە کەسانی سەروو تەمەن 80 ساڵاندا ڕوودەدات.
لە ڕێگەی بەراوردکردنی چالاکییەکانی مێشی کەسانی بەساڵاچوو بەراورد بە مێشکی چارەخوازانی ئاڵزهایمەر، توێژەران دەتوانن زیاتر لە توانای مێشکی مرۆڤ بۆ خۆگونجان و مانەوە لە ژێر فشاردا تێبگەن.
نەخۆشیی ئاڵزهایمەر بەهۆی کۆبوونەوەی جۆرێکی پڕۆتینەوە لە مێشکی مرۆڤدا دروست دەبێت، ئاڵزهایمەر دەبێتەهۆی لاوازبوونی یادگە و چارەخوازان بەردەوام زانیارییەکانیان بیر نامێنێت.
ئامێرێکی نوێ بۆ دەستنیشانی نەخۆشیی ئاڵزهایمەر
ئامێرە نوێیەکە ناوی ئەی ئاڕ سی ـیە.
بە ڕێژەی 0.85 جیاوازیی نێوان ئاڵزهایمەر و لەبیرچوونەوەی پەیوەست بە تەمەن دەکات.
لە توێژینەوەکەدا ئامێری ئەی ئاڕ سی بۆ پشکنینی مێشکی 180 کەسی بەتەمەن بەکار هاتووە کە تەمەنیان بە شێوەیەکی گشتی 75 ساڵان بووە.
110 چارەخوازی ئاڵزهایمەر بە ئامێری ئەی ئاڕ سی پشکنینیان بۆ کراوە.
لە ڕێگەی بەراوردکردنی چالاکییەکانی مێشی کەسانی بەساڵاچوو بەراورد بە مێشکی چارەخوازانی ئاڵزهایمەر، لە ڕێگەی بەکارهێنانی ئامێری ئەی ئاڕ سی ـیەوە توێژەران دەتوانن زیاتر لە توانای مێشکی مرۆڤ بۆ خۆگونجان و مانەوە لە ژێر فشاردا تێبگەن.
هۆکارەکانی تووشبوون بە نەخۆشیی ئاڵزهایمەر
پیسبوونی هەوا
خواردنەوە کحولییەکان
کەم خەوتن
شێوازی ژیانی ناتەندروست
قەڵەوی
نەجووڵان و کەم چالاکی
جگەرەکێشان
بەرزەفشاری خوێن
شەکرەی جۆری دوو
نیشانەکانی نەخۆشیی ئاڵزهایمەر
گۆڕانی بارودۆخی دەروونیی کەسەکە
لەبیرچوونەوەی زانیارییەکان
گۆشەگیربوونی کۆمەڵایەتی
لەدەستدانی متمانە بە کەسانی دیکە
گۆڕانی شێواز و کاتی نووستن
خەیاڵکردن
زانیاریی زیاتر
بۆ دەستکەوتنی زانیاریی زیاتر دەتوانن سەردانی ئەم لینکەی خوارەوە بکەن.
