• لە ڕۆژانى ڕابردوودا ئەنجوومەنى نوێنەران دەنگى بە جێگرانى سەرۆکوەزیران دا.

• زیادکردنى جێگرەکان بۆ سێ دانە کاردانەوەى لێکەوتەوە.

• پەرلەمانتارێک ئەم پرسەى گەیاندە دادگاى فیدراڵى.

محەممەد جاسم خەفاجی، ئەندامی ئەنجوومەنی نوێنەران لە فەیسبووک نووسیویەتى "لە دادگای فیدڕاڵی تانەی لە دەنگدان بە سێ جێگری سەرۆکوەزیران و هێنانەئارای وەزارەتی نوێ لە کابینەکەی زەیدی داوە". دەڵێت "ئەو هەنگاوە پێچەوانەی دەستوورە".

محەممەد جاسم خەفاجی:

• بەگوێرەى ماددەی 139 دەستوور، پێویستە سەرۆکوەزیران دوو جێگری هەبێت، ئەوەش تەنیا بۆ خولی یەکەم بووە.

• بڕگەیەک نییە لە دەستووردا بۆ دەنگدان بە جێگرانی سەرۆکوەزیران.

• لە ماددەی 76ـی دەستووردا تەنیا بڕگەی دەنگدان سەرۆک و ئەندامانی ئەنجوومەنی وەزیران هاتووە و جێگرانی سەرۆکوەزیران نییە.

• لە ماددەی 61ـی دەستووردا، چاودێریی ئەنجوومەنى نوێنەران تەنیا سەرۆکوەزیران، وەزیر، سەرۆکی دەستە سەربەخۆکان دەگرێتەوە و باس لە جێگرانی سەرۆکوەزیران نەکراوە.

• هێنانەئارای وەزارەتێکی نوێ بەبێ دەرچوونی یاسایەکی پێشوەخت بۆ ئەو مەبەستە، پێچەوانەی ماددەی 86ـی دەستوورە.

15ـى تشرینى یەکەمى 2026، هەریەک لە موحسین مەندەلاوى و لەیس خەزعەلى و محەمەد تەمیم دەنگیان پێدرا بۆ پۆستى جێگرانى سەرۆکوەزیران، بەڵام فارس بریفکانى بەربژێری پارتی بۆ جێگری سەرۆکوەزیران دەنگی لەسەر نەدرا.

زانیاریى زیاتر بۆ تۆ:

بەربژێری پارتی بۆ جێگری سەرۆکوەزیران دەنگی لەسەر نەدرا و دانیشتنەکە کۆتایی هات

زەیدی: جێگرانی سەرۆکوەزیران مووچە و تەرخانی دارایی و دامەزراندنی نوێیان نابێت