پووختەی هەواڵەکە

• کۆلێجی پزیشکی ڤێترنەریی زانکۆی سلێمانی بە هاوکاریی سەندیکای پزیشکانی ڤێتێرنەریی کوردستان یەکەمین کۆنفڕانسی نێودەوڵەتیی زانستیی خۆی بەڕێوەبرد

• د. عوسمان جەلال، نەقیبی سەندیکای پزیشکانی ڤێتێرنەریی کوردستان جەختی لەسەر ڕۆڵی پزیشکی ڤێتەرنەری کردەوە، وەک پایەیەکی بنەڕەتی لە پاراستنی تەندروستیی گشتی، سەلامەتیی خۆراک و ژینگە، هەروەها بەهێزکردنی پەیوەندیی نێوان ناوەندە ئەکادیمییەکان و کەرتی تایبەت

پزیشکانی ڤێترنەری ڕۆڵی گرنگیان هەیە لە پاراستنی تەندروستیی گشتی کۆمەڵگە، لەڕێی ڕێگریکردن لە بڵاوبوونەوەی نەخۆشییە مرۆژەڵییەکان، واتە ئەو نەخۆشییانەی لە ڕێگەی ئاژەڵەوە بۆ مرۆڤ دەگوازرێنەوە، پاراستنی ژینگە و سامانی ئاژەڵ

چەند زانیارییەک لەسەر یەکەمین کۆنفرانسی نێودەوڵەتیی کۆلێژی پزیشکی ڤێترنەریی زانکۆی سلێمانی

• ڕاگری کۆلێجی پزیشکی ڤێترنەری، ڕایگەیاند: بەڕێوەچونی ئەم کۆنفرانسە هەنگاوێکی گرنگە بۆ بەرەو بەهێزکردنی هەماهەنگیی زانستی و ئەکادیمی، ئاڵوگۆڕکردنی شارەزاییەکان، و بەرزکردنەوەی ئاستی خزمەتگوزارییە پزیشکییە ڤێترنەرییەکان

• ئەم کۆنفڕانسە زانستییە بە ئامادەبوونی پ.د. کۆسار محەممەد عەلی، سەرۆکی زانکۆی سلێمانی، پ.د.نادیە عەبدولکەریم، ڕاگری کۆلێجی پزیشکی ڤێتەرنەری، کەسایەتییە ئەکادیمییەکان، نوێنەرانی لایەنە حکومی و بیانییەکان و ژمارەیەکی بەرچاو لە مامۆستایان، توێژەران و خوێندکاران ساز کرا

• پ.د. عوسمان جەمال، سەرۆکی لێژنەی باڵای کۆنفرانس ئامانجەکانی کۆنفرانسی لە کۆکردنەوەی سەرجەم لایەنە پەیوەندیدارەکان بۆ گفتوگۆکردنی بابەتی زانستی و بەرزکردنەوەی کوالیتی فێرکردن و توێژینەوەکان ڕوونکردەوە

کۆنفرانسەکە چی لە خۆگرتبوو؟

• ​ئەم کۆنفڕانسە چەندین تەوەر و بابەتی گرنگی لەخۆگرتبوو، لەوانە: لە خستنەڕووی دواین توێژینەوە و دۆزینەوە زانستییەکان لە بواری پزیشکی ڤێترنەریدا، بەرگریکردن و ڕێگریکردن لە نەخۆشییە هاوبەشەکانی نێوان مرۆڤ و ئاژەڵ، مسۆگەرکردنی کوالێتیی خۆراک و بەردەوامیی ژینگەیەکی تەندروست، لەگەڵ دروستکردنی پردی پەیوەندی و ئاڵوگۆڕی ئەزموون لە نێوان زانکۆکان و سەندیکاکان و کەرتی تایبەتدا

زانیاریی زیاتر

بۆ دەستکەوتنی زانیاریی زیاتر دەتوانن سەردانی ئەم لینکەی خوارەوە بکەن

د.دییە ڕێبوار: پێکوتەی ڤایرۆسی هاریی سەگ دوای گەستن گرنگترین بەشی چارەسەرە | CHANNEL8