پووختەى هەواڵ

• کاردانەوەکانى کاراکردنەوەى پەرلەمان بەبێ سازان بەردەوامن.

• یەکێتیى نیشتمانیى کوردستان بەشێوەیەکى فەرمیى پرسى کاراکردنەوەى پەرلەمان تاوتوێ دەکات.

• ژمارەیەک سیناریۆ بۆ دۆخى سیاسى و پڕۆسەى حوکمڕانى لە ئارادان.

زانیاریى بە کەناڵ8 گەیشت کە بڕیارە ئەمڕۆ ئەنجوومەنی سەرکردایەتیی یەکێتی بە سەرۆکایەتیى بافڵ جەلال تاڵەبانی کۆببێتەوە.

کۆبوونەوەکە دوای ئەوە دێت کە دوێنێ پەرلەمانی کوردستان بەبێ بەشداریی یەکێتی و زۆرینەی فراکسیۆنەکانی پەرلەمان کرا و دەستەی سەرۆکایەتیی پەرلەمان هەڵبژێردرا.

هەرێمى کوردستان لە بەردەم چەند سیناریۆیەکدایە:

سیناریۆی یەکەم:

ئەوەیە ئەم هەنگاوەى پەرلەمان تەنیا بۆ پاراستنى پەرلەمان بێت لە بڕیارى دادگاى فیدراڵى و بەمشێوەیەى ئێستا پەرلەمان و حکومەت بەردەوامبن.

سیناریۆى دووەم:

بەردەوامبوونى پەرلەمان، بەڵام بایکۆتکردنى حکومەت لەلایەن یەکێتیى نیشتمانیى کوردستان و هەوڵدانى پارتى بۆ پێکهێنانى کابینەى نوێ.

سیناریۆى سێیەم:

گەڕانەوەى یەکێتى بۆ کۆبوونەوەکانى پەرلەمان و ڕێککەوتنى یەکێتى و پارتى لەسەر پێکهێنانى کابینەى دەیەم.

سیناریۆى چوارەم:

پێکهێنانى حکومەت و دەستبەکاربوونى کابینەى نوێ بەبێ بەشداریی یەکێتى و نەوەى نوێ.

سیناریۆى پێنجەم:

کە لەکاردانەوەى سیناریۆى چوارەم دێتە ئاراوە، دوو ئیدارەیی لە هەرێمى کوردستان ڕادەگەیێنرێت.

زانیاریى زیاتر بۆ تۆ:

ئاڵا تاڵەبانى: پارتى لە بەغداد داواى هاوبەشى دەکات و لە هەرێمى کوردستان خۆى جێبەجێى ناکات

پــەرلــەمــانــى کــوردســتــان؛ سازان یان ترازان

نێچیرڤان بارزانى: پێشوازی لە کاراکردنەوەی پەرلەمانی کوردستان دەکەم

د. یوسف گۆران: نەشتەرگەرییەکە سەرکەوتوو بوو.. بەڵام نەخۆشەکە مرد!