پووختەى هەواڵەکە

• بەڕێوەبەرێکى نوێ لە نووسینگەى عەلى زەیدى دەستبەکار دەبێت.

• ڕەشاد خەڵەف لە جێگەی ئيحسان عەوادی کرایە بەڕێوەبەری نووسینگەی زەیدی.

  ---

بە گوێرەى نووسراوێکی نهێنی، کە بەرواری 25ـی ئەم مانگە لە لایەن عەلی زەیدی، سەرۆکوەزیرانی عێراقەوە واژۆکراوە، ڕەشاد خەڵەف، وەک بەڕێوەبەری نووسینگەی سەرۆکوەزیرانی عێراق بە وەکالەت دیاریکردووە.

پۆستى بەڕێوەبەرى نووسینگەى سەرۆکوەزیران

• ڕەشاد خەڵەف پێشتر بەڕێوەبەری گشتیی تۆمارکردنی کۆمپانیاکان بووە لە وەزارەتی بازرگانیی عێراق.

• پێش دەرچوونی ئەم بڕیارە، ئيحسان عەوادی، بەڕێوەبەری نووسینگەی سەرۆکوەزیرانی عێراق بوو.

ئیحسان عەوادی لە ساڵی 2022ەوە وەک بەڕێوەبەری نووسینگەی سەرۆکوەزیرانی عێراق دیاریکراوە، کە پلەکەی وەزیرە.