پووختەى هەواڵەکە

• لیژنەى فەرمانى دیوانى تایبەت بە نەهێشتنى کاریگەرییە نەرێنییەکانى سەر کوردانى فەیلى کۆبووەوە.

• لیژنەى فەرمانى دیوانى چەند بڕیار و ڕاسپاردەیەکى بۆ گێڕانەوەى مافى کوردانى فەیلى دەرکرد.

  ---

بە سەرۆکایەتیی خالید شوانى وەزیرى دادى عێراق، لیژنەى فەرمانى دیوانى ژمارە 80ـى ساڵى 2026 تایبەت بە نەهێشتنى کاریگەرییە نەرێنییەکانى کوردانى فەیلى کۆبووەوە و چەند بڕیار و ڕاسپاردەیەکى لەبارەى بەدیهێنانى دادپەروەرى بۆ کوردانى فەیلى و گێڕانەوەى مافەکانیان دەرکرد.

بۆچوون و بڕیارەکانى خالد شوانى

• هەڵوێستى حکومەت لە بابەتى نەهێشتنى کاریگەرییە نەرێنییەکانى سەر کوردانى فەیلى جێگیرە.

• حکومەت مکوڕە لەسەر بەدیهێنانى دادپەروەرى بۆ کوردانى فەیلى.

• لە کۆبوونەوەکەدا ژمارەیەک بڕیار و ڕاسپاردە دەرکران.

• تاوەکو بخرێنە بەردەم ئەنجوومەنى وەزیران بۆ پەسەندکردنیان.

• بە دواداچوون بۆ گەڕاندنەوەى موڵک و ماڵ و زەویی دەستبەسەرداگیراو.

• بەڵگاندنى پێشێلکارییەکانى دەسەڵاتى پێشوو دژ بە کوردانى فەیلى لەسەر ئاستى نێودەوڵەتى.

• زیادکردنى نوێنەرێکیان بۆ لیژنەى ئامادەکردنى ڕاپۆرتە نێودەوڵەتییەکانى تایبەت بە دۆسییەکانى مافى مرۆڤ.

• داواکرا ئەرشیفێکى نیشتمانیی بۆ تاوانەکانى کۆمەڵکوژى و ڕاگواستنى زۆرەملێ ئامادەبکرێت.

• دووپاتکردنەوەى پێویستى ئاسانکاریی ڕێکارە کارگێڕییەکان.

• ئاسانکاریی مامەڵەکانى ڕۆڵەکانى ئەم پێکهاتەیە.

• چارەسەرکردنى دۆسییە هەڵپەسێردراوەکان و قەرەبووکردنەوەى زیانلێکەوتووان.

لیژنەى فەرمانى دیوانى ژمارە 80ـى ساڵى 2026، بڕیارێکى حکومەتى عێراقە بۆ پێکهێنانى لیژنەیەک بە سەرۆکایەتیی خالید شوانى وەزیرى داد، بۆ بەدواداچوون و جێبەجێکردنى بەڵێنەکانى حکومەت بۆ نەهێشتنى ئاسەوارە خراپانەى بەسەر کوردانى فەیلیدا هاتووە، لەگەڵ چارەسەرکردنى کێشە هەڵپەسێردراوەکان.

زانیاریی زیاتر بۆ تۆ:

بافڵ جەلال تاڵەبانی: پێویستە حکومەتی فیدراڵ بە کردار کوردی فەیلی قەرەبوو بکاتەوە

نێچیرڤان بارزانی: دەبێت حکومەتی فیدراڵ قەرەبووی مادی و مەعنەوی کوردانی فەیلی بکاتەوە

عەجاجی نوگرەسەلمان لەسەر دۆسیەی ئەشکەنجەدانی کوردانی فەیلی دادگایی دەکرێتەوە