پووختەى هەواڵەکە

• عەبدوڵا ئۆجەلان نامەیەکی بۆ 20ـەمین کۆنفرانسی یەکێتیی ئەورووپا، تورکیا، ڕۆژهەڵاتی ناوەڕاست و کورد نارد.

• ڕەخنە لە هەڵوێستى یەکێتیى ئەورووپا دەگرێت.

• جەخت لەسەرخستنى پرۆسەى ئاشتى دەکاتەوە.

  ---

  عەبدوڵا ئۆجەلان لە نامەکەدا دەڵێت، پڕۆسەی ئاشتی بۆ ئەورووپا و ڕۆژهەڵاتی ناوەڕاستیش گرنگ و مێژووییە، داواى هاوکارى بۆ سەرخستنى دەکات.

  ---

  ناوەڕۆکى نامەکەى عەبدوڵا ئۆجەلان:

  • دەستگیرکردنم "پیلانگێڕی، فێڵ و تەڵەکە" بوو.

  • گەلی ئەورووپا بێئاگا بوون لەوەی بەرامبەرم کراوە.

  • یەکێتیی ئەوروپا ڕۆڵی بونیادنەرانەی لە دیموکراتیزەکردنی تورکیا و چارەسەرکردنی پرسی کورددا هەبێت.

  • پێویستە لە ئاستی نێودەوڵەتیدا کار بۆ ئاشتی و دیموکراسییەت بکرێت.

  • ئەوەی ئێستا لە تورکیا دەیکەن، گرنگ و بایەخدارە.

  • لەبری شەڕ، قڕکردن و جیاکاری، کێشەکان بە ڕێگەی یاسایی و سیاسیی چارەسەر بکرێن.

  تازەترین دیدى ئۆجەلان بۆ پڕۆسەى ئاشتى:

  • پڕۆسەی ئاشتی کارێکی جددییە.

  • ئەم پڕۆسە بۆ ئەورووپا و ڕۆژهەڵاتی ناوەڕاستیش هەنگاوێکی مێژووییە.

  • سەرکەوتنی پڕۆسەکە، ئاشتی، ئارامی و دیموکراسییەت بۆ ڕۆژهەڵاتی ناوەڕاست دەهێنێت.

  ئۆجەلان لە 15ـى شوباتی 1999، لە کینیا دەستگیر کرا و برایەوە تورکیا، خۆى لە چەندین نووسین و دیداردا دەستگیرکردنەکەى لە پیلانى هاوبەشیى سی ئای ئەی،  دەزگای میت و موسادى ئیسرائیل ناوبردووە.

  زانیاریی زیاتر بۆ تۆ

  باخچەلی پێشنیازی پێدانی پێگەیەکی گرنگ بە ئۆجەلان دەکات