• ئێران و ڕووسیا جەخت لە بەهێزکردنى پەیوەندییەکانیان دەکەنەوە.

• عێراقچی: لە دەریای قەزوین کەشتییە ئێرانی و ڕووسییەکان دەکرێنە ئامانج.

• پزیشکیان: هیچ ناکۆکییەکمان لەگەڵ وڵاتانی ناوچەکە نییە.

لە دەستپێکى سەردانەکەیدا سێرگى لاڤرۆڤ وەزیرى دەرەوەى ڕووسیا، لەلایەن عەباس عێراقچى هاوتا ئێرانییەکەیەوە پێشوازى لێکرا و دواتریش لەگەڵ مەسعود پزیشکیان کۆبووەوە.

 عەباس عێراقچى:

• پابەندین بە چارەسەرکردنى دۆخى ناوچەکە لە ڕێگەى دیپلۆماسییەوە نەک ڕێکارە سەربازییەکان.

• لە دەریای قەزوین کەشتییە ئێرانی و ڕووسییەکان دەکرێنە ئامانج.

• بەهۆی هێرشەکانەوە ژینگە و سروشتی دەریاى قەزوین پیسبووە.

• تاران پابەندە بە گەڕانەوە ئاسایش و ئارامی بۆ تەواوی ناوچەکە و دەریاى قەزوین.

سێرگی لاڤرۆڤ وەزیری دەرەوەی رووسیا:

• هیچ سازشێک ناکەین بۆ پابەندبوون بەو ڕێککەوتنە ستراتیجییەی لەگەڵ ئێران هەمانە.

• ئامادەین بۆ هەماهەنگی و هاوکاری لەگەڵ تاران.

لە درێژەى سەردانەکەی بۆ تاران سێرگی لاڤرۆڤ، وەزیری دەرەوەی ڕووسیا چاوی بە مەسعود پزیشکیان، سەرۆککۆماری ئێران کەوت، پرسە دووقۆڵییەکان، دوایین پێشهاتەکانی جەنگ و  دۆخی ناوچەکە لە تەوەرى سەرەکى گفتوگۆکانیان بوو.

پزیشکیان لە کۆبوونەوەکەدا:

• هیچ وڵاتێک ناتوانێت خواستەکانی بەسەر ئێراندا بسەپێنێت.

• تاران جیهانێکی دەوێت کە لەسەر بنەمای ڕێزگرتن لەیەکدى و هاوکاریی بونیادنەرانە.

• ئێران هیچ ناکۆکییەکی لەگەڵ وڵاتانی ناوچەکەدا نییە و ئامادەیە بۆ وتووێژ و لێکتێگەیشتن .

• دەستێوەردان و سیاسەتی ئەمریکایە کە بووەتە هۆی ناکۆکی لەنێوان وڵاتانی ناوچەکە.

ئێران و ڕووسیا، ڕێککەوتننامەی هاوبەشیی ستراتیجییان هەیە، کە پەرە بە پەیوەندییە سیاسی، کولتووری و بازرگانییەکان دەدات. هاوکات لەسەر دژایەتیکردنی سزاکان و سیاسەتە یەک لایەنەکانی ئەمریکا هاوڕان.

زانیاریى زیاتر بۆ تۆ:

وەزیری بەرگریی ئێران: دەبێت کەرەستەی زیاتر بۆ سیستمی بەرگریی ئێران دابین بکەین

وەزارەتی گەنجینەی ئەمریکا سزای نوێی بەسەر ئێراندا سەپاند