دەمیرتاش: ئۆجەلان درکی بەوەکردووە کاتی خەباتی چەکداریی نەماوە
پووختەى هەواڵەکە
دەمیرتاش: گرنگە پەکەکە پڕۆسەی چەکدانان خێراتر بکات.
خێراکردنى پڕۆسەکە ئاسانکاریی بۆ هەنگاوەکانی دواتری دەوڵەت دەکات.
دەمیرتاش: پێویستە تورکیا پێگەی ئۆجەلان دیاری بکات.
سەڵاحەدین دەمیرتاش، کە ماوەی 10 ساڵە لە زیندانی ئەدیرنەیە، پەیامێکی لەبارەی پڕۆسەی ئاشتی بڵاوکردەوە و دەڵێت، گرنگە لایەنەکانی نێو پڕۆسەکە، هەماهەنگییەکانیان زیاتر بکەن و دەرفەتەکان بۆ سەرکەوتن بگۆڕن.
بەڕێوەچوونى پڕۆسەکە لە دیدى دەمیرتاشەوە:
دەمیرتاش هۆکاری گیرخواردن و خاوبەڕێوەچوونی پڕۆسەکە ئاشکرا دەکات.
پەیوەندى بە ململانێی گۆڕانخوازەکان و دژ بە گۆڕانەکان لە تورکیایە.
ئۆجەلان ماوەیەکی زۆرە درکی بەوە کردووە، سەردەمی خەباتی چەکداریی بەسەرچووە.
لەو پێناوەدا هەوڵ دەدات پەکەکە و دەوڵەت ناچار بکات دەست بە گۆڕانکاریی بکەن و زەمینەیەکی سیاسیی نوێ دروستبکەن.
داوا لە لایەنەکانی پڕۆسەکە دەکات، لەبری چاوەڕوانیی، کار بۆ زیادکردنی متمانە لای یەکتر بکەن.
سەبارەت بە بەرەوپێشچوونی، پێگەی ئۆجەلان دیاری بکرێت.
بۆ ئەوەی بتوانێت ڕۆڵی چالاکانە لە پڕۆسەکەدا بگێڕێت.
پڕۆسەی چەکدانان سەربخات و کێشەکانی پڕۆسەکە چارەسەر بکات.
داوا لە پەکەکە دەکات بە هەڵوێستی بوێرانەتر، پڕۆسەی چەکدانان خێراتر بکات، بۆ ئەوەی لایەنەکانی دیکەش، ئاسانتر هەنگاو بنێن.
بە هەماهەنگی و هاوبەشی، دەتوانرێت پڕۆسەکە بکرێتە دەستکەوت بۆ تورکیا و کورد و ڕۆهەڵاتی ناوەڕاست.
10 ساڵی تەواو بەسەر دەستگیرکردن و زیندانیکردنی سەڵاحەدین دەمیرتاشدا تێدەپەڕێت، سەرەڕای پڕۆسەی ئاشتی و بڕیارەکانی دادگای ئەورووپاش بۆ ئازداکردنی، ئەنقەرە ڕەتیدەکاتەوە ئازادی بکات.
