پووختەی هەواڵ:

• بەرهەمهێنانی بەشی شەشەمی چەتەکانی کاریبی نزیکدەبێتەوە

• پێشووتر جۆنی دێپ لە زنجیرە فیلمەکە کشایەوە

• دێپ ئێستا بە مەرجی "کۆتاییەکی باش" ئامادەیە بگەڕێتەوە

جۆنی دێپ دەڵێت:

تاکە شتێک کە لەم بەشە نوێیە دەمەوێت، بوونی کۆتاییەکی باشە لە چیرۆکەکەیدا.. لە هەمان کاتدا ئامادەم هەرکاتێک کار لەگەڵ جێری بەکهایمەر (بەرهەمهێنەر) بکەم، متمانەم پێیەتی و هاوڕێیەتیمان قووڵە.

بۆ دوایین جار، جۆنی دێپ لە ڕۆڵی کارەکتەری جاک سپارۆ لە ساڵی 2017 بوو لە فیلمی Pirates of the Caribbean: Dead Men Tell No Tales؛ بە سیمبول و کارەکتەری سەرەکیی ئەم زنجیرە فیلمە ناسراوە.

پێشووتر بەکهایمەر، جەختی لەوە کردبووەوە:

• گفتوگۆم لەگەڵ دێپ کردووە بۆ گەڕانەوە

• سکرینپلەی بەشی شەشەم لە بەرەوپێشچووندایە

ئۆرلاندۆ بلووم، یەکێک لە ئەکتەرەکانی زنجیرە فیلمەکە دەڵێت:

پێدەچێت نۆستاڵجیا ڕۆڵێکی گەورە بگێڕێت لە گەڕاندنەوەی دێپ بۆ فیلمەکە.

دەنگۆکان:

• دیزنی کار دەکات بۆ سەرلەبەر نوێکردنەوەی زنجیرە فیلمەکە

• بەشێکی سەربەخۆی جیهانی فیلمەکە بۆ مارگۆت ڕوبی بەرهەمدەهێنرێت

• بەشی داهاتوو سەرنجەکانی لەسەر کارەکتەری نوێ دەبن نەک دووبارە