پووختەى هەواڵەکە

• ئەمشەو نمە باران بێت دەبێت.

• سبەى هەینى تاوەباران و هەورەبروسکە دەبێت لە زۆربەى ناوچەکان.

  ---

لە ڕاگەیەنراوى بەڕێوەبەرایەتیى کەشناسیی هەرێمى کوردستان هاتووە، ئەمشەو ئاسمانی هەرێمی کوردستان پەڵە هەور بۆ نیمچە هەور دەبێت لەگەڵ ئەگەری بارینی کەمێک نمە باران لە کاتەکانی بەرەیانی ڕۆژی هەینی لە ناوچە شاخاوییەکان و لە سەنتەری شارەکان بۆ هەولێر ئەگەری کەمێک بروشکە باران هەیە.

پێشبینییەکانى کەشناسى بۆ ناوچەکانى دیکە

• بۆ ئیدارەی زاخۆ، دهۆک و ناوچە شاخاوییەکانی و ئیدارەی سۆران، سلێمانی و هەڵەبجە لە کاتەکانی بەیانی تاوەکو دوای نیوەڕۆ ئەگەری تاوە باران و هەورە بروسکە هەیە.

• پلەکانی گەرما کەمێک نزم دەبێتەوە.

ئەگەرچى زۆرینەى کەشناسەکان پێشبینیى ئەوەیانکردبوو کە لەم مانگە بارانى پەڵە لە هەرێمى کوردستان ببارێت، بەڵام مانگ بەرەو کۆتایی دەڕوات و تاوەکو ئێستا لە هیچ ناوچەیەکى هەرێمى کوردستان بارانى پەڵە نەباریوە.