پووختەى هەواڵەکە

• فراکسیۆنى یەکگرتوو لە پەرلەمانى کوردستان ڕاگەیێنراوێکى بڵاوکردەوە.

• فراکسیۆنى یەکگرتوو: پەکخستنى دامەزراوەکان بۆشاییەکى مەترسیدارى یاسایی دروستکردووە.

• فراکسیۆنى یەکگرتوو: سەرکردایەتیی سیاسیمان چەندین دەستپێشخەریی پێشکەشکردووە.

زانیارییەک گەیشتوە بە کەناڵ8، فراکسیۆنى یەکگرتوو ڕاگەیێنراوێکى بڵاوکردەوە و تیایدا ئاماژەى بەوەکردووە، هەڵنەبژاردنی دەستەی سەرۆکایەتیی پەرلەمان و کارانەکردنی ڕۆڵە ڕاستەقینەکەی و پەکخستنی ئەم جومگە سەرەکییەی حوکمڕانی، زەبرێکی گەورەی لە پڕۆسەی سیاسی، سەروەریی یاسا، و مافە دەستوورییەکانی هاونیشتمانییان داوە

ناوەڕۆکى ڕاگەیێنراوەکە:

• پەکخستنی پەرلەمان بوەتە هۆی دروستبوونی بۆشاییەکی مەترسیداری یاسایی و بێباوەڕکردنی جەماوەر بە پرۆسەی سیاسی.

• هیچ کات بەشێک نەبوون لە پەکخستنی پەرلەمان.

• سەرکردایەتیی حیزبەکەیان چەندین دەستپێشخەریی کارامە و واقیعیانەی پێشکەش بە لایەنە سیاسییەکان کردووە.

• بە مەبەستی شکاندنی بەستەڵەکی سیاسی.

• کاراکردنەوەی پەرلەمان.

• هەڵبژاردنی دەستەی سەرۆکایەتی پەرلەمان.

• گەڕانەوە بۆ دیالۆگێکی جدیی و نیشتمانی کە بەرژەوەندیی باڵای خەڵکی کوردستان بخاتە پێش هەموو بەرژەوەندییەکانەوە.

• لەم قۆناغە هەستیارەدا، پێویستە حیزبە دەسەڵاتدارەکان چیتر یاری بە ئیرادە و چارەنووسی خەڵکی کوردستان نەکەن.

• دەستبەرداری بەرژەوەندیی حیزبی و شەخسییە بچووکەکانیان ببن.

• لە پێناوی بەرژەوەندی باڵای هاونیشتمانییانى کوردستان.

• تاوەکو ئەم دامەزراوەیە بگەڕێتەوە سەر ڕۆڵی سروشتیی خۆی لە یاسادانان.

• چاودێریکردنی حکومەت و بەرگریی لە شایستە دارایی و مافە دەستوورییەکانی خەڵک و هەرێمی کوردستان.
  
  فراکسیۆنى یەکگرتوو جەختدەکاتەوە، ئەم بێباکیەی دەسەڵاتدارانی هەرێمى کوردستان بەرامبەر دامەزراوە شەرعییەکان و ژیان و بژێوی هاونیشتمانییان، ئایندەی قەوارەی هەرێمى کوردستان بەرەو ئایندەیەکی نادیار و مەترسیدار دەبەن.

زانیاریی زیاتر بۆ تۆ

سەرۆکایەتیی داواکاری گشتی: هەرچى زووە پەرلەمان کارابکرێتەوە و حکومەت پێکبهێنرێت