
پووختەی هەواڵ:
لە ناوخۆی ئێران پەخشکردنی زنجیرەی درامی "یل/پاڵەوان" ڕاگیرا
دادگای میدیا و کولتووری تاران دیمەنێکی باوەشی زنجیرەکە بە دژە ڕەوشت ناودەبات
دیمەنی باوەشەکە لەنێوان دوو ئەکتەردایە کە ڕۆڵی دایک و کوڕ دەگێڕن
تاوەکو ئێستا دیار نییە پەخشی زنجیرەکە دەستپێدەکاتەوە یان نا

بەگوێرەی ڕاگەیێنراوی فەرمیی دادگای میدیا و کولتووری تاران: ئەڵقەی شەشەمی زنجیرەکە، دیمەنێکی ناڕەوشتی لەخۆدەگرێت.
پێش ئەوەی دادگاکەی تاران ئەم بڕیارە بدات، هەر زوو ئەم دیمەنە، سۆشیاڵ میدیای ئێرانی تەنی و بۆچوونەکان بەرامبەری جیاواز بوون.
لە دیمەنەکەدا چی دەردەکەوێت؟
دوو کارەکتەر (کوڕێک و دایکی) باوەش بە یەکتریدا دەکەن
ئەو دوو کارەکتەرە لەلایەن ئەکتەران سوهەیلا ڕەزاوی و بابەک حەمیدیانەوە ڕۆڵگێڕانیان بۆ کراوە
هیچ لایەنێک فەرمی، تاوەکو ئێستا لەباری بڕیارەکەی دادگا لێدوانی نەداوە و ڕوونیش نییە زنجیرەکە دەستپێدەکاتەوە یاخود نا.
لەبارەی زنجیرەی یل/پاڵەوان:
درامایەکی تاوانکارییە
جەمشید مەحموودی سکرینپلەی بۆ نووسیوە و دەرهێنانی بۆ کردووە
نەوید مەحموودی بەرهەمهێنەرەکەیەتی
بەرهەمی تۆڕی فیلمنێتی فارسییە
چەندین ئەکتەری بەناوبانگ لەخۆدەگرێت: نەوید محەممەدزادە، میلاد کیمەرام، حسێن یاری و هتد..

