ڕیاڵ مەدرید گرێبەستی ئەستێرەیەكی تازە دەكاتەوە
پووختەى هەواڵەکە
ڕیاڵ مەدرید گرێبەستى ئاردا گولەرى تازەکردەوە.
گرێبەستەکە تاوەکو 2031.
لە ئاییندەیەکى نزیکدا بە فەرمى ڕادەگەیێنرێت.
بە گوێرەى زانیارییەک کەناڵ8، لە هەژمارى فابریزیۆ ڕۆمانۆ، ڕۆژنامەوانى وەرزشى ئیتاڵى دەستیکەوتووە، یانە شاهەنەیەکەى ئیسپانیا، لە نوێکردنەوەى گرێبەستى یاریزانەکانى بەردەوامە و لە نوێترین گرێبەستیشدا، گرێبەستى یاریزانى هێڵى هێرشبردنى یانەکەى ئاردا گولەرى تازەکردەوە.
ناوەڕۆکى گرێبەستەکەى ئاردا گولەر:
گرێبەستەکەى ئاردا گولەر بۆ ماوەى پێنج ساڵە.
گرێبەستەکە تاوەکو ساڵى 2031ە.
هەریەک لە یاریزان ئاردا گولەر و کارگێڕیی یانەکە لە مانگى ڕابردوو گەیشتوونەتە ڕێککەوتن.
سەرجەم بەڵگەنامەکان واژۆکراون.
چاوەڕێ دەکرێت لە داهاتوویەکى نزیکدا بە فەرمى ڕابگەیێنرێت.
ئاردا گولەر (Arda Güler) یاریزانێکی پیشەگەری لاوی تورکییە کە وەک هێرشبەر و یاریزانی ناوەندی هێرشبەر لە یانەی ڕیاڵ مەدرید لە خولی ئیسپانی (LA Liga) و هەڵبژاردەی نیشتمانیی تورکیا یاری دەکات. گولەر لە 25ـی شوباتی 2005 لە دایکبووە (تەمەنی 21 ساڵە) و بەهۆی لێهاتوویی تەکنیکی، ئاستە بەرزەکەی و دروستکردنی هەلی گۆڵەوە بە یەکێک لە باشترین بەھرەمەندە گەنجەکانی جیهان دادەنرێت.
دۆخی ئێستای لە وەرزی 2026–2027
ئاردا گولەر لەم وەرزەدا ئاستێکی زۆر باڵا پێشکەش دەکات و بووەتە یاریزانێکی کاریگەر.
لە دوایین یاریی ڕیاڵ مەدرید لە 21ـى تشرینی یەکەمی 2026 دژی یانەی ئاڕ بی لایپزیگ، گولەر گۆڵێکی تۆمارکرد و یارمەتی تیپەکەی دا بۆ بردنەوەی ئەنجامى (4-1). هەروەها لە یاری پێشووتردا دژی ئەی ئێس ڕۆما توانی 2 ئەسیست (دروستکردنی گۆڵ) بکات.
