بەهاى دینار بەرامبەر دۆلار ناجێگیرە

فۆتۆ؛ حەمە سوور

پووختەى هەواڵەکە

دواى بڕیارەکەى حکومەتى عێراق دۆخى بازاڕى دراو ئاسایى نەبووەتەوە.
زیاتر لە 13 هەزار دینار جیاوازى لەنێوان نرخى فەرمى و بازاڕ هەیە.
لە هەولێر و سلێمانى جیاوازى لە بەهاى دۆلار هەیە.

لە بازاڕەکانى دراو لە هەولێر و سلێمانییەوە زانیاریى ئەوە بە کەناڵ8 گەیشت، کە بەهاى دینار بەرامبەر دۆلار ناجێگیرە، 100 دۆلار لەبازاڕى دراوى هەولێر بە 165 هەزار و 500 دینارە و لە بازاڕى دراوى سلێمانى بە 165 هەزار و 750 دینار مامەڵەى پێوە دەکرێت.

کەیفى خۆشناو، گوتەبێژى بازاڕى دراو لە هەولێر:

بازرگانان خواستێکى زۆریان لەسەر دۆلار هەیە.
لە دوو ڕۆژى ڕابردوو دینار زیاتر دابەزیوە.
بازرگانەکان دۆلار حەواڵە دەکەن بۆ هاوردەکردنى کاڵا.

جیاوازى نرخى فەرمى و بازاڕ:

دۆلار بە نرخى فەرمى بانکى ناوەندى عێراق 152 هەزار دینارە.
لە بازاڕدا ئێستا 165 هەزارو 500 دینارە.
واتە 13 هەزارو 500 دینار جیاوازى هەیە.

بەڵێنەکەى عەلى زەیدى:

سەرۆکوەزیرانى عێراق، بەڵێنى داوە جیاوازى نرخى فەرمى لەگەڵ بازار کەمبکاتەوە، کەیفى خۆشناو دەڵێت "تاوەکو ئەو کاتەى بە فەرمى دۆلارى کاش لە بازاڕەکاندا زیاد نەکرێت ناتوانرێت ئەو جیاوازییە کەمبکرێتەوە".

ئەم ناجێگری و جیاوازییە دواى نزیکەى هەفتەیەک دێت لە گۆڕانکارى بەهاى دینار بەرامبەر دۆلار، لەلایەن حکومەتى فیدراڵەوە.

زانیاریى زیاتر بۆ تۆ:

ئەنجوومەنى وەزیران بەهاى دۆلارى گۆڕى؛ 100 دۆلار بۆ 150 هەزار دینارە