عەلى زەیدى لەگەڵ ژمارەیەک وەزیر و فەرماندەى ئەمنى کۆبووەوە

پووختەى هەواڵەکە

  • زەیدى بە دواداچوونى بۆ دواپێشهاتەکانى دۆخى جورفولسەخر کرد.

  • لە کۆبوونەوەکەدا ژمارەیەک وەزیر و فەرماندەى ئەمنى ئامادەی بوون.


نووسینگەى ڕاگەیاندنى سەرۆکوەزیران بڵاویکردەوە، لە کۆبوونەوەکەدا کە ژمارەیەک لە وەزیرەکان و فەرماندە ئەمنییەکان ئامادەى بوون، پێشهاتە ئەمنییەکان لە جورفولسەخر خرانەڕوو، تاوتوێى ئامادەکاری و ڕێکارەکان بۆ گۆڕینى یەکە سەربازییەکان لە چوارچێوەى یەکەکانى بەرپرسیارێتى کرا، بە جۆرێک سەقامگیریی دۆخى ئەمنى بەدیبهێنێت.


پەیامى سەرۆکوەزیران لە کۆبوونەوەکە

  • پێویستە بەرزترین ئاستى بەرپرسیارێتى و مامەڵەى پیشەیی و کارکردن بۆ پاراستنى بەرژەوەندیى هاوڵاتییان و موڵک و ماڵیان بگیرێتەبەر.

  • لەگەڵ پابەندبوونى تەواو بە ڕاسپاردە و فەرمانە سەربازییەکان.

  • تاوەکو ئاسایش و سەقامگیریی لە ناوچەکەدا بەهێز بکات.

ئەوە لە کاتێکدایە، ئێوارەى ئەمڕۆ پێنجشەممە، فەرماندەی گشتیی هێزە چەکدارەکانی عێراق، لەگەڵ فەرماندەی بارەگای ئۆپراسیۆنەکانی جورفولسەخر و جێگرەکانی کۆبووەوە و زەیدی لەو کۆبوونەوەیەدا داوای کردنەوەی تەواوی ڕێگە داخراوەکانی جورفولسەخڕی کر، هەروەها داوایکرد، هێزەکانی سوپا و تەواوی هێزە ئەمنییەکانی دیکە، دەبێت شکۆی دەوڵەت لە تەواوی خاکی عێراق بە گوێرەى دەستوور و یاسا بسەپێنن.

Loading related news...