ڕووسیا هێرشی درۆنی و مووشەکی بەرفراوانی بۆ سەر ئۆکرانیا ئەنجامدا

ڕووسیا هێرشی درۆنی و مووشەکی بەرفراوانی بۆ سەر ئۆکرانیا ئەنجامدا

00:00/00:00
ساتى هێرشێکى مووشەکى ڕووسیا بۆسەر کیێڤى پایتەختى ئۆکرانیا

پووختەى هەواڵەکە

  • لە هێرشی ڕووسیا بۆ سەر ئۆکرانیا سێ کەس کوژران و سێ پردیش زیانیان پێگەیشت.

  • هێرشەکەى ڕووسیا دوای هێرشێکى ئۆکرانیا بوو، پوتن، بەڵێنی وەڵامدانەوەیەکی توندی دا.


بە گوتەی بەرپرسانی ناوخۆیی، لە ئەنجامی هێرشەکاندا لانیکەم سێ کەس لە کیێڤ گیانیان لەدەستداوە و 15 کەسی دیکەش برینداربوون، کارەبا لە چەند بەشێکی پایتەختى ڕووسیا بڕاوە و زیانیش بەر چەند پردێکی سەرەکی گواستنەوە گەیشتووە.


هێرشەکان

  • ئەم هێرشانە دوای کۆبوونەوەکەی پوتن لەگەڵ شی جینپینگ، سەرۆکی چین و دۆناڵد ترەمپ، سەرۆکی ئەمریکا لە چین هاتن.

  • تێیدا سەرۆکی ڕووسیا ئاماژەی بە بەرپرسیارێتی هاوبەشی هەرسێ سەرکردەکە کرد بۆ ئاسایشی جیهان.

  • ڕاگەیێندراوێکی هاوبەشیان لە ژێر ناوی بەرەو ئاشتی بڵاوکردەوە.

  • بێ ئەوەی ئاماژە بەو جەنگە بکرێت کە نزیکەی پێنج ساڵە لە ئۆکرانیا بەردەوامە.

  • بە درێژایی شەوى ڕابردوو دەنگی تەقینەوە بیستراوە.

  • لە یەک کاتدا نزیکەی 36 مووشەک لە ئاسمانی ئۆکرانیادا بینراون.

  • سێ پردی سەر ڕووباری دنیپرۆ کراونەتە ئامانج.

  • مەترسی پەککەوتنی زیاتری ژیانی ڕۆژانەی لە شارەکەدا دروست کردووە.

هێرشەکە دواى چى ئەنجامدرا؟

هێرشە بەرفراوانەکەی ڕووسیا دوای ئەوە هات، ڕۆژی پێنجشەممە و بۆ سێیەم جار لەماوەی چوار ڕۆژدا، ئۆکرانیا هێرشی کردە سەر پردی کریمیا کە نیمچەدوورگەی کریمیا بە ڕووسیاوە دەبەستێتەوە و بەهۆیەوە بەشێکی ڕێگاکە داخرا.

لە ماوەی شەش مانگی ڕابردوودا و لەگەڵ نزیکبوونەوەی وەرزێک کە پێشبینی دەکرێت سەختترین زستانی جەنگەکە بێت، ڕووسیا هێرشەکانی بۆ سەر کیێڤ چڕتر کردووەتەوە.

هێرشەکانی ڕۆژی پێنجشەممە

هاوکات بوون لەگەڵ بەڕێوەچوونی لووتکەکەی چین و کۆبوونەوەی ڤۆلۆدیمێر زێلێنسکی، سەرۆکی ئۆکرانیا لەگەڵ هاوپەیمانە ئەوروپییەکانی لە بەرلین، کە زیانیان بە کڵێسایەکی مێژوویی گەیاند و باڵیۆزخانەکانی نەمسا، بەرازیل و هۆڵەندا زیانێکی سووکیان بەرکەوت.

بەرەبەیانی ڕۆژی هەینی، سوپای ڕووسیا ئەنجامدانی هێرشێکی بەرفراوانی بە مووشەک و درۆن بۆ سەر ئۆکرانیا پشتڕاست کردەوە و ڕایگەیاند، ناوەندە پیشەسازییە سەربازییەکان و ژێرخانی گواستنەوەیان لە چەند ناوچەیەک کردووەتە ئامانج.

زانیاریی زیاتر بۆ تۆ:

پێشنیازە نهێنییەکەی ئەمریکا بۆ کیێڤ؛ دۆنباس بدەنە ڕووسیا و ببنە ئەندامی ناتۆ

شێوە عومەر

Fri Nov 20 2026

Loading related news...