پووختەى هەواڵەکە

• ئەو 15 ملیۆن دۆلارە لە کۆمەڵێک پزیشک وەرگیراوە.

• وەرگرتنى پارەکە بەمەبەستى کارى بازرگانى مۆبایل بووە.

• ئەو کەسە مایەپووچ بوونى خۆى ڕاگەیاندووە.

• 1500 دەفتەر دۆلار دیار نەماوە.

  ---

بە گوێرەى زانیارییەکانى کەناڵ8، ئەو کەسەى کە پارەکەى کۆکردووەتەوە، پیشەى پزیشکە لە بەشى شکاوى و باوکى مەلا بووە و متمانەیەکى زۆرى لە لاى پزیشکەکانى دیکە پەیداکردووە.

ڕووداوەکە چۆن بووە؟

• ئەو پزیشکە جگە لە کارەکەى خۆى، کاری بازرگانیى مۆبایلیشى کردووە.

• هاوڕێ پزیشکەکانى هانداوە بۆ ئەوەى بەشدارى لە کارەکەیدا بکەن.

• دواتر زۆربەى پزیشکە هاوڕێکانى ڕازیبوون و پارەیان ڕادەستکردووە بۆ ئەوەى بیخاتە ئیشەکەوە.

• دواجار گرووپێک لە پزیشکانى شارەکە ڕازیبوون بە بازرگانییەکە کە هێنانى مۆبایل بووە.

• هەرچی پارەیە کۆیانکردووەتەوە و خستوویانەتە دەستی ئەو پزیشکەوە.

• ژمارەى پزیشکەکان زیاتر لە20 پزیشکن.

• کابرا لە ماوەى ساڵێک و زیاتر لە شەش مانگدا پارەیەکى زۆرى لە پزیشکەکان کۆکردووەتەوە.

• ئەو پزیشکانەى پارەکەیان ڕادەستکردووە کەمترینیان 18 دەفتەر دۆلار و زۆرترینیان150 دەفتەر دۆلاری داوە.

• کۆى گشتیى ئەو پارەیە گەیشتووەتە15 ملیۆن دۆلار، واتە 1500 دەفتەر دۆلار.

• بەشێک لەو کەسانەى پارەیان داوەتە ئەو پزیشکە کردووە، لە پزیشکە بەناوبەنگەکانى شارى سلێمانین.

• ئێستا ئەو کەسەى پارەکەى کۆکردووەتەوە، دەڵێت هاتوومەتە سەر ساجی عەلی.

• ڕایگەیاندووە، یەک دۆلارى پێنەماوە، لای پۆلیسیش ئەمەی گوتووە.

• ماوەى هەفتەیەکە پزیشکەکان لە هاتن و چووندان بە دواى کەیسەکەیاندا.

• دواجار کەیسەکەیان بردووەتە پۆلیس و ئەو کەسەیان دەستگیرکردووە.

• تۆمەتبار دانی بەوەدا ناوە کە پارەکەی هەمووی خواردووە.

بە گوێرەى بەدواداچوونى کەناڵ8، لە دواى ئەوەى پۆلیس لێکۆڵینەوەى لە کەیسەکە کردووە و تۆمەتبارەکەیان دەستگیرکردووە، کەیسەکە ڕادەستى ئاسایش کراوە و دواى لێکۆڵینەوە، تۆمەتبارەکە لەوێ قسەیەکی دیکەی کردووە و گوتویەتی، پارەکەی بردووە و موڵکێکى زۆرى پێکڕیوە.

دەڵێن ئێستا تۆمەتبارەکە گوتویەتی ئامادەم ئەو موڵکانەى بە پارەکە کڕیومن، بییان فرۆشمەوە و پارەکە بگێڕمەوە بۆ خاوەنەکانیان.

زانیاریی زیاتر بۆ تۆ:

کەناڵ8 دۆسیەیەکى گەورەى گەندەڵى لە وەزارەتى تەندروستى ئاشکرا دەکات