جورفولسەخر ناوچەیەکى نهێنییە و وەک قەڵایەکى سەربازى لێهاتووە.
ناوچەکە لە دەستى حیزبوڵاى عێراقیدایە و بەوە تۆمەتبار دەکرێت جگە لە بەکارهێنانى بۆ مەبەستى سەربازى، لێیەوە نەوتى بە قاچاغ بردووە.
عەلى زەیدى بڕیاریداوە بە هەر شێوەیەک بێت جورفولسەخر بخاتە ژێر دەستى هێزە فەرمییەکان.
حکومەتى عێراق تاوەکو ڕۆژى هەینى مۆڵەتى بە حیزبوڵا داوە بۆ چۆڵکردنى ناوچەى جورفولسەخر و چەند سەرکردەیەکی چوارچێوەی هەماهەنگی کەوتوونە نێوانیانەوە تاوەکو کێشەکە بە گفتوگۆ چارەسەر بێت و شەڕ و ئاڵۆزی لێنەکەوێتەوە.
عەلى زەیدى، سەرۆکوەزیرانى عێراق تاوەکو ڕۆژى هەینى مۆڵەتى بە حیزبوڵا داوە بۆ چۆڵکردنى ناوچەى جورفولسەخر.
عەلى زەیدى، ڕژدە لەسەر ئەوەى هێزەکانى حیزبوڵا لە جورفولسەخر بکشێنەوە و هێزە ئەمنییەکانى عێراق بچنە ناوچەکە.
سەرکردەکانى چوارچێوەى هەماهەنگى لە نێوەندگیریدان و نایانەوێت کێشەکان بە پێکدادان کۆتایى بێت و لەگەڵ ئەوەن کێشەى جورفولسەخر بە ئاشتى و دیالۆگ کۆتایى بێت.
بڕیارەکەى عەلى زەیدى، سەرۆکوەزیران بۆ چۆڵکردنى ئەو ناوچەیە دواى ئەو ڕاپۆرتە هات کە دەزگاى هەواڵگریى عێراق لەبارەى بەقاچاخبردنى نەوت لەو ناوچەیە بڵاوى کردەوە و دواتر ئەو لیژنەیەش کە لەسەر ڕاسپرادەى زەیدى سەردانى جورفولسەخریان کرد زانیارییەکانى ناو ڕاپۆرتەکەى پشتڕاست کردەوە.
لە جورفولسەخر چۆن نەوت دزراوە زانیاریى نوێ ئاشکرا بوو؟
حەیدەر عەبودى: ئەگەرى هەیە سوپاى عێراق بچێتە ناوچەکانى هەرێمى کوردستان