پووختەى هەواڵەکە

• کەشناسی: پلەکانی گەرما دادەبەزێت

• لە پارێزگاکانی باشووری عێراق بارانی مامناوەند دەبارێت.

  ---

زانیارییەک گەیشتووە بە کەناڵ8، دەستەی کەشناسیی عێراق لە ڕاگەیێنراویکدا دەڵێت، ڕۆژی شەممە ئاسمان لە نێوان نیمچە هەور بۆ هەوری تەواو دەبێت، لە هەرێمی کوردستان و ناوچەکانی ناوەڕاست هەوری تەواو دەبێت و ئەگەری نمەباران هەیە.

پێشبینییەکان بۆ بارینى باران

• لە پارێزگاکانی باشووری عێراق، بارانی مامناوەندی دەبارێت.

• هەندێک کات هەورە تریشقەی لەگەڵدا دەبێت.

کەشوهەواى ڕۆژى شەممە

پلەی گەرمای پارێزگاکان بەمشێوەیە دەبێت، دهۆک 24، سلێمانی 25، هەولێر و نەینەوا 26، کەرکوک و ئەنبار 27، سەڵاحەدین 28 بەغداد و دیالە 31، کەربەلا و بابل و واست و نەجەف و موسەننا و دیوانییە 32، میسان و زیقار و بەسڕە 33 پلە دەبێت.

کەشوهەواى ڕۆژى یەکشەممە

سەبارەت بە کەشوهەوای ڕۆژی یەکشەممە، کەشناسیی عێراق دەڵێت، ئاسمان بە گشتی هەور دەبێت، ئەگەری نمە باران لە ناوەڕاست و باشوور هەیە، پلەکانی گەرماش لەو دوو ناوچەیە دادەبەزێت، بەڵام لە هەرێمی کوردستان هاوشێوەی ڕۆژی شەممە دەبێت.

کەشوهەواى ڕۆژانى دوایی

ڕۆژانی دووشەممە و سێشەممەی داهاتوو، بە گوێرەى کەشناسیی عێراق ئاسمانی هەوری تەواو دەبێت و ئەگەری نمەباران هەیە، پلەکانی گەرما لە هەرێمی کوردستان دادەبەزێت و لە باشووری عێراقیش کەمێک بەرز دەبێتەوە.

زانیاریی زیاتر بۆ تۆ:

کەشناسیى هەرێمى کوردستان: لە سلێمانى، هەڵەبجە، سۆران، دهۆک و زاخۆ تاوەباران دەبێت