لیستی مووچەی مانگی 11 و تەرازووی پێداچوونەوە ڕادەستی بەغداد کران

پووختەی هەواڵەکە

  • وەزارەتی دارایی و ئابووریی هەرێمی کوردستان ڕایگەیاند، ئەمڕۆ یەکشەممە، لیستی مووچەی مانگی تشرینی دووەم بۆ بەغداد نێردراوە.

  • ڕاپۆرتی تەرازووی پێداچوونەوەی مانگی ڕابردووش ڕادەستی وەزارەتی دارایی عێراق کراوە.


بەگوێرەی ڕاگەیێنراوێکی وەزارەتی دارایی و ئابووریی هەرێمی کوردستان، بەرەبەیانی ئەمڕۆ یەکشەممە، 22ـی تشرینی دووەمی 2026، تیمی تەکنیکیی وەزارەتەکە هەریەک لە لیستی مووچەی مانگی تشرینی دووەمی فەرمانبەران و مووچەخۆرانی هەرێمی کوردستان و ڕاپۆرتی تەرازووی پێداچوونەوەی خەرجی و داهاتەکانی مانگی تشرینی یەکەمیان گەیاندووەتە شاری بەغداد.


وەزارەتی دارایی ئاماژەی بەوەش کردووە، کەمێک لەمەوبەر سەرجەم لیست و ڕاپۆرتە داراییەکان بە فەرمی ڕادەستی فەرمانگەی ژمێریاری لە وەزارەتی دارایی حکومەتی فیدراڵ کراون، بەمەبەستی وردبینیکردن و ناردنی تەمویلی مووچە.

ڕێککارەکانی هاتنی مووچە

  • ناردنی لیستی مووچە و تەرازووی پێداچوونەوەی مانگانە، بەشێکە لە ڕێکارە کارگێڕی و داراییە جێگیرەکانی نێوان هەولێر و بەغداد.

  • بەپێی ڕێککەوتنە داراییەکان و بڕیارەکانی دادگای فیدراڵی، وەزارەتی دارایی عێراق دوای وەرگرتن و وردبینیکردن لە لیستی مووچە و ڕاپۆرتی داهات و خەرجییەکانی هەرێمی کوردستان، ڕەزامەندی لەسەر خەرجکردنی شایستە داراییەکانی مووچەخۆران دەدات، کە مانگانە بڕەکەی زیاتر لە 950 ملیار دینارە.

تەمویلی مووچەی مانگی تشرینی یەکەم (مانگی 10) ڕۆژی چوارشەممە 4ـی تشرینی دووەمی 2026 لەلایەن وەزارەتی دارایی عێراقەوە خرایە سەر هەژماری بانکیی هەرێم؛ بڕی پارەکە زیاتر لە 834 ملیار و 920 ملیۆن دینار بوو دوای بڕینی 120 ملیار دیناری داهاتی ناوخۆ، دواتریش وەزارەتی دارایی هەرێم لە ڕۆژی یەکشەممە 8ـی تشرینی دووەمەوە دەستی بە دابەشکردنی کرد و لە ڕۆژی چوارشەممە 11ـی تشرینی دووەمی 2026 کۆتایی بە دابەشکردنی هات.

زانیاریی زیاتر بۆ تۆ

پارەى مووچە گەیشت و دابەشکردنەکەى خرایە هەفتەى داهاتوو

کەناڵ8

Sun Nov 22 2026

Loading related news...