لە دوورەوە بەرهەمێکی سەوز و زێڕین دەبیندرێت.
لە نزیکەوە مەترسییەکی بێ دەنگە بۆ سەر ژیان.
بە گووتەی دانیشتووانی ناوچەى تانجەرۆ لە شارى سلێمانى، بەرهەمهێنانى بەشێک لە بەروبوومە کشتوکاڵییەکان بەم ئاوە پیسە، چەند ساڵێکە دووبارە دەبێتەوە.
دەچمە سەر ئەو سەرچاوە ئاوییە کە باڵای بەم گەنمە شامییە کردووە.
مەودای نێوان چەمی تانجەرۆ و ڕەگی گەنمە شامییەکان تەنیا چەند مەترێک بۆرییە.
ئێستا بۆ بنبڕکردنی ئەم مەترسییە.
چاوەکان لەسەر ڕێکار و هەنگاوی بەپەلەی لایەنە پەیوەندیدارەکانن.
کەناڵ8 ئەرکی میدیایی خۆی بە جێگەیاند و ئەم دۆخە مەترسیدارەی خستە بەرچاوی لایەنە پەیوەندیدارەکان، ئێستا نۆبەی لایەنە پەیوەندیدارەکانە، هەنگاوی پێویست بگرنەبەر