کابینەى نۆیەم یەک دینارى بۆ پڕۆژەکانی سلێمانی و هەڵەبجە خەرج نەکردووە

کابینەى نۆیەم ئاوڕى لە هەڵەبجە نەدایەوە فۆتۆ؛ حەمە سوور
کابینەى نۆیەم ئاوڕى لە هەڵەبجە نەدایەوە فۆتۆ؛ حەمە سوور

پووختەى هەواڵ

  • لە 2020ـەوە تاوەکو ئێستا سەدان پڕۆژە لە هەڵەبجە و گەرمیان و ڕاپەڕین جێبەجێ کراون.

  • پڕۆژەکان ئاستى نادادپەروەرى و جیاوازى کابینەى نۆیەم لەنێوان ناوچەکاندا دەردەخات.

  • پڕۆژەکان لەسەر داهاتى نانەوتیى سنوورەکە جێبەجێ کراون.

  • سەرەڕاى جیاکارییەکەى کابینەى نۆیەم بەڵام کاروانى ئاوەدانى نەوەستاوە.


لە سنووری پارێزگاکانی سلێمانی و هەڵەبجە و هەردوو ئیدارەی سەربەخۆی گەرمیان و ڕاپەڕین، کابینەی نۆیەمی حکومەت هیچ بڕە پارەیەکی بۆ جێبەجێکردنی پڕۆژەکان خەرج نەکردووە و تەواوی پڕۆژەکان لەسەر داهاتی نانەوتیی سنوورەکە کراون.


دۆخی پڕۆژە ستراتیجییەکان

  • دەیان پڕۆژەی ستراتیجی لە سنوورەکەدا لە قۆناغی جێبەجێکردندان یان تەواو بوون کە سەرجەمیان لەسەر داهاتی نانەوتی تەمویل کراون، لەوانە:

  • شەقامی 100 مەتریی سلێمانی: بڕیارە بەهاری ساڵی داهاتوو قۆناغی یەکەمی تەواو بکرێت کە بودجەکەی زیاتر لە 400 ملیار دینارە.

  • پڕۆژەی ئاوی گۆپتەپە – چەمچەماڵ: وەک پڕۆژەیەکی ستراتیجی کارکردن تێیدا بەردەوامە و بودجەکەی لە داهاتی نانەوتی دابین دەکرێت.

  • ڕێگاوبانی دووسایدی سلێمانی – کەلار: پڕۆژەکە تەواو کراوە و بە هەمان شێوە لەسەر داهاتی نانەوتی بووە.

ئاماری پڕۆژەکان لە ساڵی 2020ـەوە تاوەکو ئێستا

پارێزگای هەڵەبجە (کۆی گشتی: 386 پڕۆژە)

  • تەواوکراو: 215 پڕۆژە (بە ڕێژەی 55.7%).

  • بەردەوام: 105 پڕۆژە (بە ڕێژەی 27.2%).

  • ڕاگیراو: 66 پڕۆژە (بە ڕێژەی 17.1%).

ئیدارەی سەربەخۆی گەرمیان (کۆی گشتی: 449 پڕۆژە)

  • تەواوکراو: 285 پڕۆژە (بە ڕێژەی 63.5%).

  • بەردەوام: 106 پڕۆژە (بە ڕێژەی 23.6%).

  • ڕاگیراو: 58 پڕۆژە (بە ڕێژەی 12.9%).

ئیدارەی سەربەخۆی ڕاپەڕین (کۆی گشتی: 337 پڕۆژە)

  • تەواوکراو: 201 پڕۆژە (بە ڕێژەی 59.8%).

  • بەردەوام: 88 پڕۆژە (بە ڕێژەی 26.2%).

  • ڕاگیراو: 48 پڕۆژە (بە ڕێژەی 14%).

تەرخانکردنی داهات بۆ مووچە و خزمەتگوزارییەکان

بێجگە لە خەرجیی پڕۆژەکان، لە ماوەی حەوت ساڵی ڕابردوودا و لە سەرەتای کابینەی نۆیەمەوە هیچ بڕە پارەیەک بۆ ئەو سنوورە خەرج نەکراوە. لە بەرامبەردا، داهاتی نانەوتیی سنوورەکە مانگانە بەم شێوەیە خەرج کراوە:

  • 38 ملیار دینار: وەک داهاتی نانەوتیی فیدراڵیی عێراق بۆ دابینکردنی مووچە تەرخان کراوە.

  • 15 ملیار دینار: بۆ خەرجیی خزمەتگوزارییە بەردەوامەکانی نەخۆشخانەکان، خواردنی زیندانیان و پاککردنەوەی شار دابین کراوە.

زانیاریى زیاتر بۆ تۆ:

پڕۆژەکانی سلێمانی و دەوروبەری لەسەر داهاتی ناوخۆن؛ ڕاپۆرتێک لەسەر پەککەوتنی هەزار پڕۆژە

ئامارەکانی کابینەی 9: پڕۆژەکانی هەولێر 3 هێندەی سلێمانییە و دهۆک 15 هێندەی هەڵەبجەیە

Loading related news...